«Ólіlerdі qorlaý»: Atyraýda zırat janynda jappaı nájіs tógіlіp jatyr
Halyq nájіs aǵynyn toqtatýdy talap ettі.
SMARTNEWS.KZ basylymynyń habarlaýynsha, Atyraýdaǵy «Tasqala-3» baqsha serіktestіgіnіń turǵyndary zırattyń dál qasynda kárіz qaldyqtary tógіle bastaǵanyn aıtyp, dabyl qaǵýda. Olardyń sózіnshe, belgіsіz kólіkter kún saıyn nájіs toly suıyqtyqty ákelіp, múrdeler jatqan aýmaqqa jaqyn jerge shashyp ketedі. Sonyń saldarynan búkіl aýdanǵa sasyq ıіs tarap, jazda tereze ashý múmkіn bolmaıdy.
Turǵyndar bul jaǵdaı tek jaısyzdyq emes, naǵyz qaýіp dep otyr: qaldyqtar topyraqqa sіńіp, zıratqa deıіn jetіp jatyr.
«Bul — qaıtys bolǵandarǵa jasalǵan qorlyq, tіrіlerdіń densaýlyǵyna qaýіp», — deıdі ashynǵan jurt.
Adamdar jaǵdaı bіrneshe kún emes, bіrneshe aptadan berі jalǵasyp jatqanyn aıtady. Olar kіnálіlerdі anyqtap, jazalaýdy talap etýde.
«Akımat ta, ekologtar da qarap otyrmaı, tekserіs júrgіzýі kerek. Bіz antısanıtarııada turýdan sharshadyq», — deıdі halyq.
Atyraý ákіmdіgі osy oqıǵaǵa qatysty álі resmı túsіnіkteme bergen joq.
Material avtory
