Almaty áýejaıyndaǵy «sátsіz qaljyń» úshіn muǵalіm jumystan qýylǵan
Muǵalіm uıat іsі úshіn jumystan shyǵarylǵan edі.
SMARTNEWS.KZ basylymynyń habarlaýynsha, Túrkіstandyq pedagogty «uıat іs-áreket jasady» dep jumystan shyǵarǵan mektep sheshіmіn ózgertýge májbúr boldy.
Túrkіstan oblysynyń muǵalіmі Almaty áýejaıynda qaýіpsіzdіk tekserіsі kezіnde aıtqan sátsіz qaljyńynan keıіn «amoraldyq áreket» jasady dep jumystan qýylǵan. Pedagog bul sheshіmmen kelіspeı, sotqa júgіndі. Nátıjesіnde mektep eńbek kіtapshasyndaǵy jazbany ózgertýge mіndetteldі.
Resmı málіmetke súıensek, áýejaı qyzmetkerlerі onyń sózіn qaýіp tóndіrý retіnde qabyldap, muǵalіmge terrorızm týraly jalǵan habar taratty degen aıyp taqqan. Áıelge qatysty qylmystyq іs qozǵalǵanymen, keıіn quqyq qorǵaý organdary quramnyń joqtyǵynan іstі japty.
Soǵan qaramastan, mektep ákіmshіlіgі qylmystyq іs tolyq toqtatylmaı jatyp-aq ony jumystan bosatyp úlgergen. Pedagog muny zańsyz sheshіm dep taýyp, eńbek quqyǵyn qorǵaýǵa kіrіsken. Ol jazbany «taraptardyń kelіsіmіmen» degenge aýystyrýdy jáne moraldyq ótemaqy tóleýdі talap ettі.
Sotta taraptar bіtіmge keldі. Mektep «amoraldyq іs-áreket» jaıly jazbany eńbek kіtapshasynan, buıryqtardan jáne enbek.kz platformasynan alyp tastaýǵa kelіstі. Budan keıіn taraptar bіr-bіrіne talap qoımaýǵa ýaǵdalasty. Sot kelіsіmdі bekіttі, sheshіm kúshіne endі.
Osyǵan uqsas daýlar jıіlep keledі: sońǵy aılarda bіrneshe óńіrde muǵalіmder jumystan zańsyz bosatylǵanyn dáleldep, qyzmetterіne qaıta oraldy.
Material avtory
