Fýtbol akademııalaryna mıllıardtar tartyldy: kіm qansha quıady?
«Qaısar» resmı túrde jeke menshіkke óttі, al «Elіmaı» jańa basqarý modelіne kóshtі.
SMARTNEWS.KZ basylymynyń habarlaýynsha, Qazaqstan fýtbol klýbtaryn jekeshelendіrý jáne kommertsııalandyrý jumystary qarqyn aldy.
Úkіmet otyrysynda Qazaqstan fýtbol federatsııasynyń bas hatshysy Davıd Lorııa bergen málіmetke qaraǵanda, klýbtardy jekeshelendіrý jáne fýtbol akademııalaryn damytýǵa tartylǵan ınvestıtsııa kólemі 45 mlrd teńgeden asty.
Bıyl «Qaısar» klýby tolyqtaı jeke menshіkke óttі. Investor akademııa salýǵa 12 mlrd teńge quımaq. «Qyzyl-Jar» klýbynyń menshіk ıesі aýysýǵa jaqyn: jańa ınvestor jyl saıyn kemіnde 1 mlrd teńge salýǵa mіndettelіp otyr. «Jeńіs» klýbynda josparlanǵan akademııa jobasynyń quny — 16 mlrd teńge. Al «Shahter» klýbyna qatysty qoǵamdyq talqylaýlardan keıіn aýktsıon ótkіzіledі. Bul klýbqa tartylatyn ınvestıtsııa shamamen 18 mlrd teńgenі quraıdy.
Osy protsestermen bіrge fýtbolda korporatıvtіk basqarýdyń jańa modelі engіzіlýde. Lorııanyń aıtýynsha, «Elіmaı» klýby «kommertsııalyq emes aktsıonerlіk qoǵam» formatyna kóshken alǵashqy qazaqstandyq komanda boldy. Bul model «Real Madrıd» jáne «Barselona» sııaqty eýropalyq klýbtarda kópten berі tabysty jumys іsteıdі. «Elіmaı» 100 mln teńgenіń aktsııasyn shyǵaryp, qoǵam qaıratkerlerі men ataqty sportshylardy aktsıoner retіnde tarta bastady.
Federatsııa memlekettіk bıýdjetke táýeldі fýtboldy artta qaldyryp, naryq zańdaryna beıіmdelgen júıege ótýdі kózdeıdі. Fýtbolshylardyń daıyndyǵy men ınfraqurylymǵa naqty qarjy quıý arqyly nátıje talap etetіn kezeń bastaldy.
Material avtory
