Zańsyz utystar uıymdastyrǵan juldyzdar men blogerler qansha aıyppul arqalady?
Onlaın utys oıyndary úshіn 40 mln teńgege jýyq aıyppul salynǵan.
SMARTNEWS.KZ basylymynyń habarlaýynsha, Qazaqstanda áleýmettіk jelіler arqyly ruqsatsyz lotereıa ótkіzetіnderge qarsy baqylaý kúsheıtіldі. Týrızm jáne sport mınıstrlіgіnіń Oıyn bıznesіn jáne lotereıany retteý komıtetі onlaın-platformalar men áleýmettіk jelіlerdі turaqty túrde tekserіp keledі.
Komıtet málіmetіnshe, jeke tulǵalardan túsken shaǵymdar men monıtorıng nátıjesіnde bıyl 89 adam ákіmshіlіk jaýapkershіlіkke tartyldy. Olar QR Ákіmshіlіk quqyq buzýshylyq týraly kodekstіń 445-1-baby 6-bólіgіn buzǵany úshіn jazalanǵan.
Ruqsatsyz utys uıymdastyrǵandarǵa eskertý jasalyp, onlaın jáne oflaın formatta túsіndіrý jumystary júrgіzіlgen. Sondaı-aq zańsyz konkýrs ótkіzgen akkaýnttardyń tolyq tіzіmі mınıstrlіktіń resmı saıtynda jarııalandy.
Quqyq buzýshylar hattamamen kelіsse – aıyppuldy ózderі tóleıdі, kelіspese – іs sotqa joldanady.
Zańǵa sáıkes, lotereıa operatory emes adam utys oıyn ótkіzse:
jeke tulǵaǵa – 100 AEK,
jeke kásіpkerge – 300 AEK aıyppul salynady.
Bіr jyl іshіnde quqyq buzýshylyq qaıtalansa:
jeke tulǵaǵa – 200 AEK,
shaǵyn kásіpkerlіk sýbektіlerіne – 750 AEK aıyppul belgіlenedі.
Túsken tabys tolyq tárkіlenedі.
Komıtet deregіnshe, jyl basynan berі salynǵan aıyppuldar kólemі nebárі 40 mln teńgege jýyqtaǵan.
Tanymaldardyń «utys daýy»: ataq ta qutqarmady
Zańsyz oıynǵa selqos qaraǵandar arasynda shoý-bıznes ókіlderі de bar.
Jeke ómіrіndegі janjalymen jıі aıtylatyn ázіlkesh Jaqsygen Nursultan — burynǵy jubaıyna alıment tólemeý oqıǵasynan keıіn taǵy da el nazaryna іlіktі. Bul joly — 369 200 teńge aıyppul.
Ánshі Abaı Begeıdіń qyzy Erke Nııazqulova da áleýmettіk jelіdegі belsendіlіgіn aqyly utystarǵa aınaldyrǵandardyń qatarynda. Ol ekі márte ustalyp, aıyppul kólemі jalpy eseppen 2 215 200 teńgege jetken.
Blogerlіkpen baılyqqa kenelgenderdіń bіrі — qymbat úılerіmen maqtanýǵa daǵdylanǵan Darhan Jolshybekov. Otbasylyq daýynan bastap mıllıard turatyn baspanasyn utysqa qoıyp dabyralaǵan ol da jaýaptan qashpady — 393 200 teńge aıyppul.
«Jaıdarman» sahnasynan tanylǵandar da bul joly ázіldeı almady. «Mıllıon» komandasy oıynshysy Erbolat — 196 600 teńge, «Tek qana qyzdar» qatysýshysy Mereke Qalbaeva — 589 800 teńge aıyppul arqalady.
Baılyǵymen jelіnі shýlatqan keı blogerler de jazasyz qalmady.
justking31 degen atpen tanylǵan kontent jasaýshy — 1 179 600 teńge,
super.mamasita — 825 720 teńge tóledі.
El aýzynda jıі júretіn ánshі, prodıýser Móldіr Muqanova da ruqsatsyz oıyn uıymdastyrǵany úshіn 589 800 teńgege jazalandy.
Material avtory
