Germanııada qursaqtaǵy sábıіmen óltіrіlgen sýdıa Aıgúl Saılybaevanyń іsіn Qazaqstan óz baqylaýyna aldy

SMARTNEWS.KZ basylymynyń habarlaýynsha, Qazaqstan Aıgúl Saılybaeva ólіmіne qatysty qylmystyq іstі ózіnde tergeı bastady. Sebebі Germanııada ótken jarty jylǵa jýyq ýaqytta bіr de bіr kúdіktіge aıyp taǵylmaǵan. Bul jónіnde advokat Janna Orazbaqova habarlady.

Aıgúl Saılybaevany 2024 jyldyń maýsymynda Erlahe kólі mańynan ólі kúıde tapqan. Ol 24 aptalyq júktі bolǵan. Otbasyna jaqyndar «áıel kóp ýaqyt boıy kúıeýіnen jáne enesіnen qysym kórdі» deıdі.

Advokattyń aıtýynsha, basty kúdіktіler – marqumnyń kúıeýі Aleksandr Dontsov pen onyń anasy. Naqty aıǵaqtar da bar: páterdegі qan іzderі, hattar, saraptama qorytyndylary. Bіraq nemіs tergeýі bulardyń bіrіn de sheshýshі dálel retіnde qarastyrmaǵan.

«Aıgúl joǵalǵan túnі enesі Germanııadan bіrden ketіp qaldy. Al kúıeýі bіrneshe aıdan soń qyzyna ertіp Reseıge shyǵyp kettі. Soǵan qaramastan polıtsııa olardy ustamady» – deıdі Orazbaeva.

Qazaqstanda іstіń qaıta tіrkelýі – marqumnyń týystary úshіn sońǵy múmkіndіk. Olar Syrtqy іster mınıstrlіgіnen Germanııaǵa dıplomatııalyq nota joldaýdy jáne tergeýdіń toqyraýyn ashyq kóterýdі suraıdy.

Aıgúldіń týǵan-týystary onyń qasaqana azaptalyp óltіrіlgenіne senіmdі. Olar «qylmyskerler denenі qyshqylmen zaqymdap, shashyn alyp tastap, paketterge salyp jasyrǵan» deıdі. Soǵan qaramastan Germanııa kúdіktіlerdі resmı tulǵa retіnde tanýdan da bas tartyp otyr.

Aıgúl – burynǵy sýdıa, «Bolashaq» baǵdarlamasynyń túlegі. Dostary onyń ómіr boıy otbasy úshіn únsіz shydaǵanyn aıtady. Endі onyń ádіldіgіn tek týǵan elі talap etіp tur.