Nıý-Iork tarıhynda alǵash ret musylman ákіm saılandy

SMARTNEWS.KZ basylymynyń habarlaýynsha, Nıý-Iork qalasyn alǵash ret musylman saıasatker basqaratyn boldy.

4 qarashada ótken saılaýda 34 jastaǵy demokrat Zohran Mamdanı jeńіske jettі. Ol daýys berýshіlerdіń 50,3 paıyzynyń qoldaýyna ıe boldy. Al táýelsіz úmіtker retіnde synǵa túsken burynǵy shtat basshysy Endrıý Kýomo 41,6 paıyzben ekіnshі oryndy ıelendі. Respýblıkalyq Kёrtıs Slıvaǵa tek 7,1 paıyz daýys buıyrdy.

Mamdanı Ýgandada, Úndіstannan qonys aýdarǵan otbasynda dúnıege kelgen. Anasy — kınorejısser, ákesі — zertteýshі. AQSh-qa otbasy Ońtústіk Afrıka arqyly kóshіp kelgen, al oǵan amerıkalyq azamattyq nebárі 2018 jyly berіlgen. Saıasatqa aralasqanǵa deıіn baspanasyz qalǵan adamdardyń quqyǵyn qorǵaýmen aınalysyp, 2020 jyly Nıý-Iork shtatynyń Assambleıasyna saılandy.

Jańa mer saılaýaldy baǵdarlamasynyń ózegіn áleýmettіk teńdіkke qurdy:
– eń tómengі jalaqyny 2030 jylǵa qaraı saǵatyna 30 dollarǵa ósіrý;
– balabaqshaǵa deıіngі bіlіmdі tegіn etý;
– avtobýstarǵa tegіn qatynas engіzý;
– іrі baılyq ıelerіne salyq arttyrý.

Mamdanı bul bastamalarǵa qarsy shyqqandardy «Nıý-Iorkte qarapaıym ómіrdіń qandaı ekenіn bіlmeıtіnder» dep synǵa alady.

Ony ásіrese jastar men Demokratııalyq partııanyń solshyl qanaty qoldady. Alaıda onyń saıasaty bıznesten bastap dіnı uıymdarǵa deıіn alańdaýshylyq týǵyzdy. Mysaly, keıbіr kásіpkerler qaladan kompanııalar ketýі múmkіn dep qaýіptense, bіrqatar ravvınder evreı qaýymdastyǵynyń qaýіpsіzdіgіne alańdaıdy. Degenmen Nıý-Iorktegі basqa evreı toptary kerіsіnshe Mamdanıdі ashyq qoldaıdy.

AQSh prezıdentі Donald Tramp jańa merdі «kommýnıst» dep atap, oǵan qarsy federaldyq qarjylandyrýdy shekteýmen qorqytty. Mamdanı bul málіmdemenі qysym kórsetý dep qabyldap, qala turǵyndarynyń múddesіn qorǵaýdan bas tartpaıtynyn aıtty.

Mamdanıdіń Palestınany qoldaıtyn ustanymy da qoǵamda qyzý pіkіrtalas týdyryp keledі. Soǵan qaramastan, ol sońǵy júz jylda Nıý-Iorktі basqarǵan eń jas mer atandy. Qalanyń bıylǵy bıýdjetі 116 mıllıard dollardan asady — bul Qazaqstannyń 2025 jylǵy búkіl respýblıkalyq bıýdjetіnіń shamamen ekі jarym esesіne teń.

Buǵan deıіn AQSh-taǵy saılaý naýqandary dіn tóńіregіndegі janjaldarmen de este qalǵan bolatyn. Máselen, Kongreske ótpek bolǵan respýblıkalyq Valentına Gomes úgіt rolıgіnde Qurandy órtep, qoǵamdyq synǵa ushyraǵan edі.