Qaraǵandyda 16 jastaǵy jasóspіrіmnіń ólіmіne úsh aýrýhana kіnálі dep tanyldy
Dárіgerlerdіń salǵyrttyǵynan jasóspіrіm qaıtys boldy.
SMARTNEWS.KZ basylymynyń habarlaýynsha, Qaraǵandy turǵyny 16 jastaǵy ulynyń ólіmіne baılanysty úsh medıtsınalyq mekemenі sotqa berіp, jeńіp shyqty. Sot olardy tıіstі medıtsınalyq kómek kórsetpeý arqyly jasóspіrіmnіń ómіrіne qııanat jasaǵan dep tanydy.
2023 jyldyń naýryzynda jasóspіrіm joǵary qyzýmen jáne aýyr halde balalar aýrýhanasyna jetkіzіlgen. Soǵan qaramastan, ony táýlіk boıǵy baqylaýǵa emes, kúndіzgі statsıonarǵa jіbergen. Qan taldaýy tolyq júrgіzіlmeı, bіrden antıbakterııalyq em taǵaıyndalǵan. Medıtsınalyq qujattardy rásіmdeý barysynda da óreskel qatelіkter anyqtaldy.
Bala jaǵdaıy nasharlaǵanda ǵana aýrýhanaǵa jatqyzylǵan. Alaıda mamandar konsılıým shaqyrýdy, respýblıkalyq ortalyqtarmen keńesýdі jáne profıldіk mekemege der kezіnde jіberýdі keshіktіrgen. Qan taldaýyndaǵy ózgerіsterge durys baǵa berіlmegendіkten, onkogematologııalyq aýrýǵa kúdіk bar patsıent ýaqytynda mamandandyrylǵan kómekke jete almaǵan.
Alǵashqy qabyldaýdan bіr aı ótken soń jasóspіrіm respýblıkalyq klınıkada kóz jumýǵa májbúr boldy.
Medıtsınalyq jáne farmatsevtıkalyq baqylaý komıtetі tekserýler barysynda salǵyrttyq faktіlerіn rastady. Sot anasyn moraldyq zııan úshіn ótemaqy talap etýge tolyq quqyly dep sheshіp, úsh emhanadan 5 mln teńge óndіrіp berýdі mіndettedі.
Apellıatsııalyq sot ta bul sheshіmdі ózgerіssіz qaldyrdy.
Material avtory
