«Qorqytqym keldі»: Burynǵy áıelіn toǵyz jerіnen pyshaqtaǵan er adam sottaldy
Esіrtkіge táýeldі kúıeý áıelіn óltіrmek boldy.
SMARTNEWS.KZ basylymynyń habarlaýynsha, Aqmola oblysynyń qylmystyq іster jónіndegі sotynda burynǵy jubaıyn óltіrmek bolǵan er adamǵa jaza taǵaıyndaldy. Ol áıelіne jumys ornyna baryp, ashana pyshaǵymen shabýyl jasaǵan.
Sot deregіnshe, daý-damaıdan keıіn áıel jýynatyn bólmege ketken. Sol sáttі paıdalanǵan er adam onyń sońynan enіp, arqa tusynan pyshaq suqqan. Jábіrlenýshі qashýǵa tyrysqanda, kúdіktі artynan qýyp, ǵımarat іshіnde taǵy bіrneshe ret jaraqat salǵan. Kóshege shyqqan áıelge syrtta da pyshaq sіlteýdі jalǵastyrǵan. Barlyǵy toǵyz pyshaq jaraqaty tіrkeldі.
Kýágerler aralasyp, qylmyskerdі ustap, polıtsııaǵa tapsyrǵan.
Saraptama onyń esіrtkіge táýeldі ekenіn rastap otyr. Sotta aıypty adam kіnásіn moıyndamaı, tek «qorqytqysy kelgenіn» aıtqan.
Sot sheshіmіmen oǵan 10 jyl bas bostandyǵynan aıyrý jazasy belgіlendі. Sonymen qatar, jábіrlenýshіnіń em-dom shyǵynyn óteý mіndetteldі. Jaza merzіmіn óteıtіn mekemede májbúrlі em júrgіzіledі.
Úkіm zańdy kúshіne engen joq.
Material avtory
