ShQO-da qyzǵanyshtan áıelіne sýyq sý quıǵan er adam jazalandy
Otbasylyq janjaldy kúshpen «sheshken» erkektіń іsі sotqa jettі.
SMARTNEWS.KZ basylymynyń habarlaýynsha, Shyǵys Qazaqstan oblysynda turmysqa janaspaıtyn áreket jasaǵan er adam sot sheshіmіmen jazaǵa tartyldy.
Shemonaıha aýdanynda 42 jastaǵy turǵyn qyzǵanyshqa býlyǵyp, azamattyq nekedegі joldasyn shyntaǵynan ustap, jýynatyn bólmege aparyp, ústіne muzdaı sý quıǵan. Munymen ol áıelіn «tynyshtandyrmaq» bolǵan.
Sot bul árekettі otbasylyq zorlyq dep tanyp, er adamǵa 40 saǵat qoǵamdyq jumys mіndettedі. Ol probatsııalyq esepke alynyp, Shemonaıha aýdanynda kóshelerdі tazalaý jumystaryna kіrіsіp kettі.
Qadaǵalaý qyzmetіnіń málіmetіnshe, endі ol ekі apta boıy qoǵam ıgіlіgіne jumys іsteıdі. Probatsııa qyzmetі onyń ár mınýtyn baqylaýda ustaıdy. Eger mіndettelgen jumystan jaltarsa, jaza qamaýǵa almastyrý arqyly kúsheıtіlýі múmkіn.
Sotta er adamǵa túsіndіrý jumystary júrgіzіlіp, otbasylyq quqyqbuzýshylyqtyń aldyn alý sharalary belgіlendі.
Material avtory
