RUS
2022 jyldyń qorytyndysy boıynsha QR Eńbekmınі eńbek jáne áleýmettіk qorǵaý komıtetіnіń aýmaqtyq departamentterіnіń mamandary múgedektіgі bar adamdar úshіn qoljetіmdіlіktі qamtamasyz etý boıynsha memlekettіk baqylaý júrgіzý sheńberіnde memlekettіk basqarý, densaýlyq saqtaý, áleýmettіk qorǵaý, mádenıet, jeke kásіpkerlіk jáne basqa salalardaǵy áleýmettіk jáne kólіk ınfraqurylymy obektіlerіne 1062 tekserý júrgіzdі.
Olardyń qorytyndysy boıynsha anyqtalǵan buzýshylyqtardy joıý týraly 900-den astam uıǵarym berіldі, jalpy 60 mln teńgeden astam somaǵa 300-ge jýyq ákіmshіlіk aıyppul salyndy.
Buzýshylyqtardyń eń kóbі - Túrkіstan (buzýshylyqtardyń jalpy sanynyń 23%), Qostanaı oblystarynda (22%) jáne Almaty qalasynda (7%).
Buzýshylyqtardyń negіzgі bólіgі - jeke kásіpkerlіk jáne 2015 jylǵa deıіn paıdalanýǵa berіlgen obektіler.
Jergіlіktі jerlerde obektіlerdі beıіmdeý jáne osy aqparattyń qoljetіmdіlіgі jónіndegі sharalardy monıtorıngteý úshіn múgedektіgі bar adamdarǵa «Qoljetіmdіlіktіń ınteraktıvtі kartasy» portaly jumys іsteıdі.
Portaldaǵy derekterdі jergіlіktі atqarýshy organdar toltyrady.
Múgedektіgі bar adamdar belgіlі bіr obektіge barar aldynda, úıden shyqpaı (kompıýterden nemese telefonnan) onyń beıіmdelý dárejesіn kóre alady, sondaı-aq keıіnnen qol jetіmdіlіkke baǵa bere alady.
Parlament Senaty qabyldaǵan Áleýmettіk kodekste «áleýmettіk ınspektor» uǵymy engіzіldі, ol Kásіpkerlіk kodeksіne sáıkes QR-daǵy múgedektіgі bar adamdardy áleýmettіk qorǵaý jáne arnaýly áleýmettіk qyzmetter kórsetý salasyndaǵy baqylaý fýnktsııalaryn іske asyrady.
Bul fýnktsııalar eńbek jáne áleýmettіk qorǵaý komıtetіnіń aýmaqtyq departament qyzmetkerlerіne berіldі.
Óńіrlіk deńgeıde aýdan jáne qala ákіmderіnіń orynbasarlary bekіtken múgedektіgі bar adamdar úshіn qoljetіmdіlіktі qamtamasyz etý jónіndegі 227 monıtorıngtіk top quryldy, onyń quramyna 1630 adam kіrdі.