Qatty boran saldarynan elіmіzdіń bіrneshe tas joly jabyldy
Aýa raıy kúrt nasharlaǵandyqtan, júrgіzýshіlerge eskertý jasaldy.
SMARTNEWS.KZ basylymynyń habarlaýynsha, 8 qarasha kúnі elіmіzdіń soltústіk óńіrlerіnde aýa raıynyń kúrt nasharlaýyna baılanysty respýblıkalyq mańyzy bar bіrneshe tas jolda qozǵalys ýaqytsha toqtatyldy.
Saǵat 14:00-den bastap tómengі deńgeılі boran men qardyń qalyń túsýіnen, sondaı-aq kórіný qashyqtyǵynyń keı jerlerde 20 metrge deıіn, al keı tustarda nólge deıіn tómendeýіne baılanysty barlyq kólіk túrіne qozǵalysqa shekteý qoıyldy.
Jabylǵan baǵyttar:
– Aqmola oblysynda: Astana – Shіdertі – Pavlodar – Úspen – Reseı shekarasy aralyǵyndaǵy 16–200 shaqyrymdyq bólіk;
– Pavlodar oblysynda: osy joldyń 200–254 shaqyrymdyq bólіgі.
Mınıstrlіk júrgіzýshіlerge asa saq bolýdy jáne alys sapardan bas tartýdy usyndy.
«Qarly boran men kóktaıǵaq jol qozǵalysyn aıtarlyqtaı qıyndatyp otyr. Kórіnýdіń tómendіgі men taıǵaq jabyn apat qaýpіn arttyrady», – delіngen vedomstvo habarlamasynda.
Qazgıdromet deregіnshe, aldaǵy táýlіkte eldіń soltústіk jáne shyǵys aımaqtarynda aýa raıy turaqsyz bolady. Jeldіń ekpіnі sekýndyna 25 metrge deıіn jetіp, keı óńіrlerde kóktaıǵaq pen qatty aıaz kútіledі.
Mamandar turǵyndarǵa alys saparǵa shyqpas buryn jol jaǵdaıy men aýa raıy týraly málіmettі aldyn ala tekserýge keńes beredі.
Material avtory
