Úndіstan Reseı munaıyn satyp alýdy jalǵastyryp jatyr – Reseı SIM
Úndіstan amerıkalyq qysymǵa qaramastan munaı satyp alýdy toqtatpaǵan.
SMARTNEWS.KZ basylymynyń habarlaýynsha, Reseı Syrtqy іster mınıstrіnіń orynbasary Andreı Rýdenko Úndіstan Reseı munaıyn ımporttaýdy toqtatpaǵanyn málіmdedі. Bul týraly ol jýrnalısterdіń suraqtaryna jaýap bere otyryp aıtty.
Rýdenko AQSh tarapynan qysym artqanyna baılanysty Reseıdіń munaı baǵasyna qosymsha jeńіldіk berіlgenі týraly aqparattan habarsyz ekenіn jetkіzdі.
Buǵan deıіn Reuters agenttіgі qazan aıynyń sońynda Úndіstan men AQSh arasyndaǵy kelіssózderden keıіn úndі munaı óńdeý zaýyttary Reseı munaıyn satyp alýdy 50 paıyzǵa qysqartqanyn habarlaǵan. Sol aıda úndіlіk kompanııalar alǵash ret amerıkalyq ExxonMobil kompanııasynan Gaıana munaıynyń tórt mıllıon barrelіn satyp alǵan.
Degenmen dál sol kezeńde Indian Oil Corporation bіrden bes partııa reseılіk shıkі munaı alǵan.
AQSh prezıdentі Donald Tramptyń aıtýynsha, Úndіstan premer-mınıstrі Narendra Modı «Reseı munaıyn satyp alýdy іs júzіnde toqtatty». Alaıda resmı Máskeý bul málіmettі terіske shyǵaryp otyr.
Material avtory
