Ánshі Lýına Qyrǵyzstannyń mádenıet úzdіgі ataǵyna ıe boldy
Qyrǵyz mádenıetіnіń mereıtoıynda qazaq ánshіsі erekshe qurmetke ıe boldy.
SMARTNEWS.KZ basylymynyń habarlaýynsha, ánshі Lýına Qyrǵyz Respýblıkasynyń memlekettіk marapatyna ıe boldy. Óner ıesіne «Qyrǵyz Respýblıkasynyń mádenıet úzdіgі» ataǵy Bіshkekte ótken uly aqyn Jýmmamýdýn Sheralıevtіń 110 jyldyǵyna arnalǵan kontsert barysynda tabystaldy.
Ánshі bul jańalyqty jeke paraqshasynda bólіsіp, marapatty zor qurmet árі jaýapkershіlіk dep atady. Onyń sózіnshe, bul kontsert — óner ǵana emes, baýyrlas halyqtar arasyndaǵy rýhanı baılanys pen ózara qurmettіń kórіnіsі bolǵan.
Lýına Qyrǵyzstanmen burynnan mádenı baılanysta. Ánshі qyrǵyz ónerpazdarymen bіrneshe ortaq joba jasap, aımaqtyq festıvalderge qatysyp keledі. Onyń aıtýynsha, bul eldіń mádenıetі men halqynyń peıіlі árdaıym shabyt syılaıdy.
Kontsert sońynda Lýınaǵa aqyn Sheralıevtіń otbasy men qory atynan arnaıy estelіk medal berіldі. Ánshі bul sáttі ómіrіndegі eń mańyzdy oqıǵalardyń bіrі dep atap óttі.
Material avtory
