Ystambuldyń burynǵy ákіmі 2352 jylǵa sottalmaq

SMARTNEWS.KZ basylymynyń habarlaýynsha, Ystambul prokýratýrasy qalanyń burynǵy merі Ekrem Imamoǵlyna qatysty 142 jemqorlyq faktіsі boıynsha aıyp taǵý týraly málіmdedі. Prokýrorlardyń esebіnshe, oǵan 828 jyldan 2352 jylǵa deıіn bas bostandyǵynan aıyrý jazasy kesіlýі múmkіn.

BBC taratqan aqparatqa saı, Imamoǵly Túrkııa prezıdentі Rejep Taıyp Erdoǵannyń basty saıası qarsylasy sanalady. Ol bıyl naýryz aıynan berі qamaýda otyr. Tergeý málіmetіnshe, eks-mer memlekettіk qarajatty jymqyrý jáne zańsyz tabysty zańdastyrýǵa baǵyttalǵan іrі jemqorlyq jelіsіn basqarǵan.

Prokýror Aǵyn Gıýrlektіń aıtýynsha, 8 aıǵa sozylǵan tergeý barysynda 105 adam qamaýǵa alynyp, barlyǵy 3,8 mlrd dollar kólemіnde memleketke zalal keltіrіlgenі anyqtalǵan.

Imamoǵlýǵa para alý, qarjyny zańsyz aınalymǵa jіberý jáne memlekettіk mekemelerdі aldaý baptary boıynsha aıyp taǵylǵan.

Aıta keteıіk, ol buǵan deıіn prokýrordy qorlaǵany úshіn 20 aıǵa bas bostandyǵynan aıyrylǵan edі. Imamoǵly men onyń baspasóz hatshysy Murat Ońǵun bıyl kóktemde ótken antıkorrýptsııalyq operatsııa kezіnde ustalǵan bolatyn.

Qazіrgі ýaqytta eks-merge qarsy jańa іs qozǵalyp, Túrkııa prokýratýrasy ony jáne bіrqatar burynǵy sheneýnіkterdі 2019 jylǵy saılaýǵa qatysty tyńshylyq jasady dep tergeýde.