Petropavldyq er adam áıelіn jyldar boıy qorlap, múgedek ettі
Erlі-zaıyptynyń bes balasy bar ekenі belgіlі boldy.
SMARTNEWS.KZ basylymynyń habarlaýynsha, Petropavlda bes balanyń anasy uzaq jyl boıy kúıeýіnіń júıelі turmystyq zorlyǵyna ushyrap, múgedek boldy.
Áleýmettіk jelіlerde taraǵan aqparatqa sáıkes, áıelge bіrneshe ret ota jasalǵan, onyń іshіnde іshkі aǵzalaryna operatsııa jáne bas súıegіne trepanatsııa júrgіzіlgen. Keıіn aıaqtary іsten shyǵyp, qozǵala almaı qalǵan.
Áıeldіń kúıeýі jumys іstemeıtіn, al áleýmettіk tólemderdі óz atynan basqaratyn bolyp shyqqan. Balalary ákesіmen qalǵan.
Sol habarlamalardan keıіn Soltústіk Qazaqstan oblysy polıtsııa departamentі tekserý júrgіzіp, áıeldіń jaǵdaıyn anyqtaý úshіn arnaıy top jіberdі. Polıtsııa qyzmetkerlerі men bala quqyǵyn qorǵaý organdary otbasynyń turmys jaǵdaıyn tekserіp, kórshіlerdі surap, áıeldіń ornalasqan jerіn anyqtady.
Áıel kúıeýіne qarsy aryz jazyp, quqyq qorǵaý organdaryna joldady. Kúdіktі ákіmshіlіk іs boıynsha ýaqytsha ustaý ızolıatoryna qamaldy.
Qazіr bes balanyń jasy 4-ten 17-ge deıіngі aralyqta, barlyǵy ananyń qamqorlyǵyna berіldі. Polıtsııa qosymsha tekserýlerden keıіn іs boıynsha sońǵy sheshіm shyǵarady.
Polıtsııa azamattardy osyndaı zorlyq faktіlerіn 102 nómіrіne habarlaýǵa, al áıelder men balalarǵa qatysty zorlyq jaǵdaılary úshіn 111 respýblıkalyq senіm telefony arqyly habarlasýǵa shaqyrady.
Material avtory
