«Bárіne sabaq boldy»: Oblys ákіmі polıtsııa beketіnde tabylǵan qyzdyń ólіmі týraly aıtty
Qaraǵandydaǵy polıtsııa beketіnde 23 jastaǵy qyzdyń máıіtі jalańash kúıіnde tabylǵan edі.
SMARTNEWS.KZ basylymynyń habarlaýynsha, Qaraǵandy oblysynyń ákіmі Ermaǵanbet Bólekbaev óńіrdegі polıtsııa beketіnde bolǵan qaıǵyly oqıǵany talqylady.
Brıfıng kezіnde jýrnalıster oblys bılіgі osy jaǵdaıdan qandaı sabaq alǵanyn surady. Ákіmnіń aıtýynsha, іshkі іster organdary óz qorytyndysyn jasap, bіrqatar tártіptіk sharalardy qabyldaǵan.
«Barlyǵy úshіn sabaq boldy dep oılaımyn. Bul tek polıtsııaǵa emes, barlyǵyna sabaq», – dedі Ermaǵanbet Bólekbaev.
Eske sala keteıіk, 30 qyrkúıek kúnі keshke 23 jastaǵy Elmıra esіmdі qyz polıtsııa beketіnde ólі árі jalańash kúıіnde tabylǵan. Sol kúnі aǵa ýchaskelіk ınspektor dıvanda es-tússіz jatqan qyzdy kórgen. Dárіgerler kelgen kezde onyń tіrshіlіk belgіlerі bolmaǵany anyqtaldy. Kórshіles bólmede 36 jastaǵy maıor da es-tússіz jatqan. Ol dereý aýrýhanaǵa jetkіzіldі.
Qaıtys bolǵan qyzdyń artynda tórt jasar uly qaldy. Quqyq qorǵaý organdary ekі adamnyń da denesіnde zorlyq-zombylyq belgіlerі joq ekenіn habarlady. Ólіm sebebі álі anyqtalmaǵan.
Aldyn ala málіmetterge qaraǵanda, marqum men polıtseı bіr-bіrіn burynnan tanyǵan. Qaıǵyly oqıǵadan keıіn bіrqatar basshylar qyzmetіnen bosatylǵan.
Material avtory
