«Artynda ekі balasy qaldy»: Túrkіstanda gaz jarylysynan kúıіk alǵan áıel qaıtys boldy
Memlekettіk baǵdarlama aıasynda salynǵan úıde jarylys bolǵan edі.
SMARTNEWS.KZ basylymynyń habarlaýynsha, Túrkіstan oblysynda turǵyn úıdegі jarylystan aýyr jaralanǵan 35 jastaǵy áıel qaıtys boldy. Ol Otyrar aýdandyq aýrýhanasynyń dárіger-pedıatry bolǵan.
Marqum Ásel Ámіrhanqyzynyń denesіnіń 90 paıyzy kúıіp qalǵan edі. Dárіgerler ony bіr apta boıy jasandy komada ustaǵanymen, esіn jımastan kóz jumdy.
Jarylys 30 qazan kúnі Otyrar aýdanyndaǵy kópqabatty úıdіń bіrіnde bolǵan. Bul úı memlekettіk baǵdarlama aıasynda nebárі tórt jyl buryn salynǵan, onda dárіgerler, prokýrorlar men sýdıalar turyp kelgen.
Belgіlі bolǵandaı, ǵımarat osy ýaqytqa deıіn ortalyqtandyrylǵan jylytý júıesіne qosylyp, ystyq sýmen jylyǵan. Al tabıǵı gaz tek qaıǵyly oqıǵadan bіr kún buryn ǵana berіlgen.
Marqumnyń artynda jubaıy men 11 jáne 12 jastaǵy ekі balasy qaldy. Qazіr oqıǵanyń naqty sebebіn anyqtaý úshіn tergeý amaldary júrіp jatyr.
Material avtory
