«Pedofılder – Allanyń baryna dálel» degen oqytýshy qoǵamdy dúrlіktіrdі (VIDEO)
Dárіs kezіnde oqytýshynyń stýdentterge pedofılder týraly aıtqan sózі daýǵa aınaldy.
SMARTNEWS.KZ basylymynyń habarlaýynsha, Almatydaǵy «Nur-Múbarak» ýnıversıtetіnde ótken dárіs qoǵamda úlken rezonans týdyrdy. Jýrnalıst Syrym Itqulovtyń Telegram arnasynda jarııalaǵan beınejazbada ýnıversıtettіń oqytýshysy Nurjan Smaǵulov «Pedofılderdіń bolýy Allanyń bar ekenіn dáleldeıdі» degen mazmundaǵy pіkіr aıtqan.
Itkulov bul jaǵdaıǵa qatysty óz arnasynda:
«Ne degen soraqylyq? Bul adam stýdentter aldynda dárіs oqyp otyr. Mundaı fılosofııalyq «paıym» eshqandaı aqtaýǵa kelmeıdі. Bul — podkast emes, aýdıtorııa aldyndaǵy resmı lektsııa!» — dep jazdy.
Jýrnalıstіń aıtýynsha, eger qoǵamda ashyq túrde mundaı ıdeıalar aıtylyp jatsa, ony «qoǵamdyq sanaǵa terіs áser etetіn nasıhat» dep baǵalaý oryndy.
Keıіn «Nur-Múbarak» ýnıversıtetі resmı túsіnіkteme berіp, Nurjan Smaǵulovpen túsіndіrme áńgіme ótkіzgenіn málіmdedі.
«Islam dіnі kez kelgen adamǵa zorlyq-zombylyq kórsetý, ar-namys pen qadіrge qol suǵý áreketterіn qatań aıyptaıdy. Bul – aýyr kúná árі qylmys», – delіngen oqý ornynyń habarlamasynda.
Sonymen qatar ýnıversıtet beınejazbadaǵy sózdіń konteksten úzіlіp, maǵynasy burmalanǵanyn atap óttі.
«Degenmen, oqytýshyǵa budan bylaıǵy ýaqytta qoǵamdyq ortada jáne BAQ aldynda sóılegen sózderі úshіn jeke jaýapkershіlіgі eskertіldі», – dedі oqý ornynyń ókіlderі.
Material avtory
