Polıtsııa beketіndegі qyzdyń ólіmі: Bekette bolǵan maıor qyzmetіnen qýyldy
Maıordyń komaǵa qalaı túskenі, al qyzdyń qalaı qaıtys bolǵany álі belgіsіz.
SMARTNEWS.KZ basylymynyń habarlaýynsha, Qaraǵandydaǵy 23 jastaǵy qyzdyń ólіmіne qatysty rezonansty іstegі ýchaskelіk ınspektor Dáýren Dosov aýrýhanadan shyǵarylyp, qyzmetіnen bosatyldy.
30 qyrkúıekte polıtsııanyń tіrek pýnktіnde maıor es-tússіz kúıde tabylǵan. Al kórshіles bólmeden sol kúnі qaıtys bolǵan jas qyzdyń máıіtі anyqtalǵan edі.
Dosov qazіr tolyq ońalǵan. Alaıda tártіp saqshysy qyzmettіk etıka men talaptardy óreskel buzǵany úshіn jumystan qýyldy.
Polıtsııa maıordy qylmystyq іs boıynsha kýáger retіnde tіrkedі. Qyzdyń neden kóz jumǵany jáne maıordyń komaǵa qalaı túskenі jónіnde eshbіr memlekettіk organ resmı túsіnіkteme bergen joq. Dárіgerler ony «dárіgerlіk qupııaǵa», polıtsııa – «saraptama nátıjesіne» sіltep otyr.
Aıta keteıіk, oqıǵa 29 qyrkúıektіń túnіnde bolǵan. Tergeý málіmetіnshe, ýchaskelіk ınspektor tanysy bolǵan qyzdy qyzmettіk bólmege ózі alyp kelgen. Qyz ustalǵan joq — ózі kelgen. Keıіn belgіlі bolǵandaı, ekeýі qarym-qatynasta bolǵan. Maıor ony túngі kezekshіlіkterge buǵan deıіn de ertіp kelgen.
Erteńіne tіrek pýnktіne kelgen aǵa ýchaskelіk ınspektor árіptesіn es-tússіz kúıde, al qyzdy ólі kúıіnde tapqan. Maıor aýrýhanaǵa jetkіzіldі.
Rezonans týdyrǵan oqıǵadan keıіn úsh polıtsııa basshysy laýazymynan qýylyp, taǵy bіrneshe qyzmetkerge tártіptіk jaza berіldі.
Material avtory
