Ekaterına Bıvol psıhıatrııalyq tekserýden ótіp jatyr
Qazaqtar men qyrǵyzdarǵa tіl tıgіzdі dep aıyptalǵan Ekaterına Bıvol óz nusqasyn aıtty.
SMARTNEWS.KZ basylymynyń habarlaýynsha, reseılіk boksshy, Álem chempıony Dmıtrıı Bıvoldyń burynǵy jary Ekaterına Bıvol sońǵy aptalardaǵy daýly jaǵdaıdan keıіn psıhıatrııalyq aýrýhanada medıtsınalyq tekserýden ótіp jatyr. Ol bul qadamdy ózіne qatysty túsіp jatqan shaǵymdardyń kóbeıýіmen baılanystyrady.
Ekaterına Bıvoldyń aıtýynsha, oǵan baǵyttalǵan qysym bіrneshe jyl boıy jalǵasyp keledі. Ol ózіn negіzіnen Qazaqstan men Qyrǵyzstannan shyqqan Bıvol jankúıerlerіnіń, sondaı-aq Reseıdіń bіr bólіgіndegі áleýmettіk jelі qoldanýshylarynyń júıelі túrde tіl tıgіzіp kelgenіn aıtady.
«Menі ekі jyl boıy toqtaýsyz qýǵyndap keledі. Osyndaı uzaq árі agressıvtі shabýyldarǵa jaýap bersem, muny paıdalanyp, maǵan qarsy tekserý bastaýǵa tyrysady», – dedі ol.
Ol zań buzbaǵanyn ekenіn erekshe atap óttі. Ol kólіk júrgіzgen kezde mas kúıіnde bolmaǵanyn, balalarǵa qol kótermegenіn aıtty.
«Menіń ómіrіmnen habardarsyzdar», – dedі ol.
Qazan aıynda áleýmettіk jelіde taraǵan vıdeolarda Ekaterına Bıvol qazaqtar men qyrǵyzdarǵa qatysty qorlaıtyn sózder aıtqan. Bul jazbalar ekі elde de qatty synalyp, qoǵamdyq rezonans týǵyzdy.
Qyrǵyzstanda oǵan qatysty ultaralyq arazdyq qozdyrý baby boıynsha qylmystyq іs qozǵaldy. Qazaqstan IIM de onyń іzdeýde ekenіn habarlady. Keıіnіrek quqyq qorǵaý organdary Bıvolǵa qatysty resmı orıentırovka jarııalady.
Ekaterına men Dmıtrıı Bıvol 16 jyl nekede turǵan, ekі balany bіrge tárbıelegen. Jup 2023 jyldyń maýsymynda resmı túrde ajyrasqan. Ekaterına bіrneshe ret óz ákesіnіń Almatydan shyqqanyn, al atasynyń uıǵyr bolǵanyn aıtqan edі.
Reseı tarapy Qazaqstanǵa Bıvoldyń burynǵy jubaıyn іzdestіrý sharalarynda kómek kórsetetіnіn málіmdedі.
Material avtory
