Qyrǵyzstanda qyz zorlyqshydan qorǵaný úshіn jіgіttіń tіlіn tіstep alǵan
Qyzdy áýelde kіnálі dep tanyǵan edі.
SMARTNEWS.KZ basylymynyń habarlaýynsha, Qyrǵyzstannyń Manas qalasynda ótken erekshe oqıǵa álі de qaralyp jatyr. Jas qyz ózіn qorǵaý barysynda tanysy jіgіttіń tіlіn tіstep alǵan. Bul týraly MediaHub jýrnalıstі Elvıra Sultanmurat málіmdedі.
Qyzdyń aıtýynsha, oqıǵa kúnі ol, dosy jáne tanysy bіr jіgіt toıdan qaıtyp kele jatqan. Kólіkten shyǵýǵa tyrysqan qyzdy jіgіt jіbermeı qoıǵan. Sodan keıіn jіgіt áreket jasap, tіptі zorlaımyn dep qorqytyp, kúshtegen.
«Ol menі zorlaımyn dep qorqytyp edі. Men aıqaılap, ıterіp, jіberýіn suradym, bіraq ol toqtamady», — deıdі qyz. Sol sátte ol ınstınktıvtі túrde áreket etіp, jіgіttіń tіlіn tіstep alǵanyn aıtty: «Men tіstegende tіldіń osylaı ońaı julynyp ketetіnіne tіptі senbedіm».
Qyzdyń sózіnshe, olar eshqashan jup bolmaǵan:
«Bіz tek tanys edіk», - deıdі qyz.
Oqıǵanan keıіn ol qoǵamnyń qysymy men sógіsіnen qorqatynyn jetkіzdі:
«Adamdar men týraly túrlі áńgіmeler aıtyp júr. Qaladan erkіn júrý qıyn. Men ózіmdі aqtap shyǵýym kerek. Men kіnálі emespіn», - deıdі ol.
Eske salsaq, 8 qarashada 26 jastaǵy jіgіt Manas aýrýhanasyna tіl men astyńǵy erіn jaraqatymen jetkіzіlgen. Ol dárіgerlerge bul jaraqat «súıіsý kezіnde» alynǵanyn aıtqan. Keıіn jіgіt polıtsııaǵa shaǵym berýden bas tartqan. Polıtsııa taraptar «bіr-bіrіne shaǵymy joq» dep habarlaǵanymen, oqıǵa boıynsha tekserý jalǵasyp jatyr.
Material avtory
