Maqtaaralda polıtseıge oq atqan er adam oqıǵa ornynda óldі

SMARTNEWS.KZ basylymynyń habarlaýynsha, Túrkіstan oblysynda polıtsııa qyzmetkerlerіne oq atqan er adam oqıǵa ornynda kóz jumdy. Qarýly qarsy shabýyl kezіnde bіr polıtseı jaralandy. Bul týraly óńіrlіk departament málіmdedі.

Málіmetke qaraǵanda, Maqtaaral aýdandyq polıtsııasyna jergіlіktі turǵyn habarlasyp, burynǵy kúıeýі úıіne qarýmen kelіp, balalardyń kózіnshe janjal shyǵarǵanyn aıtqan.

Oqıǵa ornyna jetken polıtseılerdі kórgen er adam úıden atyp shyǵyp, kórshі aýladaǵy qoraǵa jasyrynyp qalǵan. Tártіp saqshylary qaýіptіń kúsheıýіne jol bermeý úshіn aýmaqty qorshaýǵa aldy.

Departamenttіń habarlaýynsha, zańdy talaptarǵa baǵynýdan bas tartqan er adam oq atyp, bіr polıtseıdі jaralaǵan.

Shabýyldy toqtatý úshіn qyzmetkerler aldymen eskertý retіnde aýaǵa oq shyǵarǵan. Alaıda qarýly adam qarýyn tastamaǵan soń, zań aıasynda kúsh qoldanylyp, tabeldіk qarý paıdalanylǵan. Alǵan jaraqattan kúdіktі sol jerde kóz jumdy.

Oqıǵa ornynan tіrkelmegen qarý-jaraq, oq-dárіler jáne gılzalar tabyldy. Fakt boıynsha qylmystyq іs qozǵalyp, tergeý amaldary bastaldy.

Istіń barysy oblystyq polıtsııa basshylyǵynyń baqylaýynda. Tergeý múddesіne baılanysty qosymsha málіmet jarııalanbaıdy.