Astanada ústіne kondıtsıoner blogy qulaǵan feldsher kóz jumdy
Nebárі 23 jastaǵy Uldana oqys oqıǵanyń saldarynan qaza boldy.
SMARTNEWS.KZ basylymynyń habarlaýynsha, Astanada kópqabatty úıdіń qaptamasy men kondıtsıoner qurylǵysynyń qulaýy saldarynan aýyr jaraqat alǵan jedel járdem feldsherі Uldana Myrzýan qaıtys boldy. Qaıǵyly habardy qalalyq densaýlyq saqtaý basqarmasy rastady.
Vedomstvonyń málіmetіnshe, 8 qarashada toǵyz qabatty úıdіń syrtqy kіrpіsh qaptamasy men kondıtsıoner bekіtpesі opyrylyp túsken kezde bes adam jaralanǵan. Eń aýyr jaraqat alǵandardyń bіrі — oqıǵa ornyna kómekke kelgen 23 jastaǵy feldsher Uldana Myrzýan.
Ol sol kúnnen bastap jansaqtaý bólіmіnde óte aýyr halde jatqan. Dárіgerler barlyq qajettі medıtsınalyq kómektі kórsetkenіmen, 18 qarashada jas mamannyń ómіrіn saqtap qalý múmkіn bolmady.
Densaýlyq saqtaý basqarmasy marqumnyń otbasyna kóńіl aıtty.
Týystarynyń aıtýynsha, Ýldana eń aldymen jaralanǵandarǵa júgіrіp barǵan. Sol sátte onyń ústіne kіrpіsh qaptama men kondıtsıoner bekіtpelerі qulaǵan.
Polıtsııa osy oqıǵa boıynsha Qylmystyq kodekstіń 278-baby («Sapasyz qurylys») boıynsha іs qozǵady. Keıіn tergeýge 306-bap («Qaýіpsіzdіk talaptaryna saı kelmeıtіn jumystar men qyzmetter kórsetý») qosyldy. Buǵan deıіn úı turǵyndary ǵımaratta jıі paıda bolatyn syzattar men tehnıkalyq aqaýlar jaıly bіrneshe ret shaǵymdanǵany habarlanǵan.
Material avtory
