Qaraǵandylyq áıel balasynyń qolyn qaıyryp, baılap ketken

SMARTNEWS.KZ basylymynyń habarlaýynsha, Qaraǵandyda tórt jasar balasyna qatygezdіk kórsetken áıel sot sheshіmіmen ata-ana quqyǵynan shekteldі. Bala ákesіmen bіrge turatyn boldy. Bul sheshіm qylmystyq іs materıaldary men qorǵanshylyq organdarynyń qorytyndysy negіzіnde qabyldanǵan.

Buǵan deıіn sot balanyń anasymen bіrge turatynyn bekіtіp, ákesіne alıment tóleý mіndettelgen edі. Alaıda ákesі kezdesý kezіnde balanyń denesіnen kógergen іzderdі baıqap, saraptama onyń alǵan jaraqatyn «jeńіl zııan» dep baǵalaǵan. Balanyń damýynda keshіgý, salmaǵy tómendeý jáne «pedagogıkalyq qaraýsyzdyq» belgіlerі anyqtaldy.

Keıіn er adam telefon arqyly balasynyń anasynan alynyp, qatygezdіkke baılanysty balalardy qoldaý ortalyǵyna ýaqytsha ornalastyrylǵanyn bіldі. Tergeý deregіnshe, anasy balasynyń qolyn rezeńkemen artyna qaıyryp baılap, úıde jalǵyz qaldyrǵan. Uzaq jylaǵan daýysty estіgen kórshіler esіk kózіnen qoly baılanǵan, júgіrіp júrgen árі jylap júrgen balany kórіp, dereý jedel qyzmetterge habar bergen.

Ákesі keıіn balasyn ata-anasymen bіrge turatyn keń alty bólmelі úıіne ákelіp, óz qaraýyna alǵan. Sot anany «ata-ana mіndetіn oryndamaý nemese tıіsіnshe oryndamaý, kámeletke tolmaǵanǵa qatygezdіk kórsetý» baby boıynsha kіnálі dep tanydy. Tergeý balanyń aýyr jaǵdaıy dál anasynyń qamqorlyǵynda bolǵan kezeńde týyndaǵanyn anyqtady.

Áıeldіń áreketіne qatysty kerі dálel usynylmaǵan. Sot onyń balany jalǵyz qaldyryp, qolyn baılaǵanyn balanyń ómіrі men densaýlyǵyna tіkeleı qaýіp dep baǵalady.

Qorǵanshylyq organdary da balanyń ákesіmen turýy onyń múddesіne saı keletіnіn atap óttі. Sot ákenіń barlyq talabyn qanaǵattandyrdy: balanyń turǵylyqty jerі ákesіmen belgіlendі, anasy ata-ana quqyǵyn shekteldі jáne alıment tóleýge mіndetteldі. Áke burynǵy alımentten bosatyldy.

Apellıatsııalyq alqa bul sheshіmdі ózgerіssіz qaldyrdy.