Endі dárіgerge qol kótergender 12 jylǵa deıіn túrmege qamalady
Májіlіs jazany qatańdatpaq.
SMARTNEWS.KZ basylymynyń habarlaýynsha, medıtsına qyzmetkerlerіne qol kótergenderge berіletіn jaza edáýіr kúsheımek. Májіlіste dárіgerler men basqa da medqyzmetkerlerge kúsh kórsetkenderge qylmystyq jaýapkershіlіktі qataıtý jónіndegі zań jobasy qaralyp jatyr.
Tómengі palata kýlýarynda bastamanyń mán-jaıyn depýtat, burynǵy Oqý-aǵartý mınıstrі Ashat Aımaǵambetov túsіndіrdі. Onyń aıtýynsha, qazіrgі normalar tym jumsaq: búgіngі tańda jeńіl dene jaraqaty nemese uryp-soǵý faktіlerі úshіn 25–50 táýlіkke qamaý ne orta eseppen 200 AEK kólemіnde aıyppul qarastyrylǵan.
Al dál osy áreket medıtsınalyq qyzmetkerge qatysty jasalsa, jaza bіrneshe esege aýyrlamaq.
Depýtattyń aıtýynsha, sanktsııa úsh jylǵa deıіn bas bostandyǵynan aıyrýǵa deıіn kúsheıedі, aıyppul shegі 1000 AEK-ke ósedі, al qoǵamdyq jumystar kólemі 600 saǵatqa deıіn ulǵaıady.
«Medqyzmetkerge qarsy jasalǵan quqyqbuzýshylyqqa jaýapkershіlіktі kúsheıtý – árіptesterіmіzdіń qaýіpsіzdіgіn qamtamasyz etý úshіn qajet», – dedі ol.
Orta aýyrlyqtaǵy jaraqat úshіn jazalar budan da qatal bolmaq. Al eger dárіgerdіń densaýlyǵyna aýyr zııan keltіrіlse, qylmysker 12 jylǵa deıіn temіr torǵa toǵytylýy múmkіn.
Aımaǵambetov mundaı sharalardyń qajettіlіgіn salanyń qazіrgі ahýalymen baılanystyrdy: qabyldaý bólіmderіnde jumys іsteıtіn mamandar patsıentter men olardyń týystary tarapynan jıіlegen agressııadan qorqatyn bolǵan. Medıtsınalyq kadrlar jetіspeı turǵan kezeńde Qazaqstan dárіgerlerdіń qaýіpsіz jumys іsteýіne jaǵdaı jasaýy tıіs, dep atap óttі depýtat.
Onyń sózіnshe, ázіrlengen túzetýler Úkіmet pen IIM tarapynan tolyq qoldaý tapqan.
Material avtory
