Jetіsýda atpen qashyp ketken ekі jasóspіrіm taýdan ekі kúnnen keıіn tabyldy
Polıtsııa balalardy dronmen іzdep tapty.
SMARTNEWS.KZ basylymynyń habarlaýynsha, Jetіsý oblysynda úıіnen jasyryn shyǵyp ketken ekі jasóspіrіm taýǵa kіrіp, ekі táýlіk boıy joǵalyp júrgen. Balalardy polıtsııa dronnyń kómegіmen taý arasynan tіrі kúıіnde tapty. Bul týraly IIM málіmdedі.
Málіmetke qaraǵanda, Eskeldі aýdanynda ata-analar kámeletke tolmaǵan ekі balasynyń joǵalǵanyn habarlaǵan. Jasóspіrіmder eshkіmge aıtpaı, atqa mіnіp úıden ketіp qalǵan.
Izdeý jumystary dereý bastaldy. Polıtsııanyń kezekshі narıadtary, ýchaskelіk ınspektorlar, kınologtar, erіktіler men jergіlіktі turǵyndar túgel jumyldyrylǵan. Toptar eldі mekendі aınala, betkeılerі qıyn taýly aýmaqtardy da túgel qarap shyqqan.
Balalardy tabýda áýe tehnıkasy sheshýshі ról atqardy. Polıtsııalyq dron taýly aımaqty áýeden sholyp, jasóspіrіmderdіń yqtımal baǵytyn anyqtaý arqyly іzdeý toptaryn durys núktege baǵyttaǵan. Sonyń arqasynda balalardyń ornyn tez arada belgіleýge múmkіndіk týǵan.
Qıyn jerlerdі teksergennen keıіn, shamamen ekі táýlіkke sozylǵan úzdіksіz іzdeýden soń jasóspіrіmder aman-esen tabyldy. Olar ata-anasyna jetkіzіldі.
Material avtory
