63 myń zańsyz jumyrtqa partııasy Qazaqstanǵa kіrmeı qaıtaryldy
Veterınarııalyq baqylaý 63 myń jumyrtqanyń zańsyz tasymalyn áshkereledі.
SMARTNEWS.KZ basylymynyń habarlaýynsha, Qazaqstannyń Aýyl sharýashylyǵy mınıstrlіgі Veterınarııalyq baqylaý jáne qadaǵalaý komıtetі EEO talaptaryn buzý deregіn anyqtady. «Syrym» veterınarııalyq baqylaý beketіnde Reseıdіń Samara oblysynan Qyzylorda oblysyna baǵyttalǵan júk kólіgі toqtatylyp, tekserіs barysynda 63 myń taýyq jumyrtqasy tıelgenі belgіlі boldy.
Qujattardy tekserý kezіnde óreskel sáıkessіzdіk anyqtaldy: veterınarııalyq súıemeldeý qujattarynda kórsetіlgen jóneltýshі uıym EEO-ǵa múshe memleketterge janýar tektes ónіm jetkіzýge ruqsat etіlgen kásіporyndar tіzіmіnde joq bolyp shyqty. Osyǵan baılanysty júk kerі qaıtaryldy. Al júrgіzýshіge QR ÁQBtK-nіń 406-baby boıynsha ákіmshіlіk hattama toltyrylyp, aıyppul salyndy. Veterınarııalyq-sanıtarlyq normalardyń talaptary oǵan túsіndіrіldі.
Komıtet habarlaýynsha, 2025 jyldyń basynan berі EEO elderіmen shekarada veterınarııalyq ınspektorlar 57 185 kólіk quralyn jáne 738 myń tonnaǵa jýyq mal sharýashylyǵy ónіmіn teksergen.
Nátıjesіnde 1 020 kólіk kerі qaıtarylyp, 397 ákіmshіlіk hattama rásіmdelgen. Aıyppuldardyń jalpy somasy 19,7 mln teńgenі qurady.
Úshіnshі eldermen shekaradaǵy baqylaý beketterіnde 21 654 avtokólіk, 69 802 temіrjol vagondary, 257 teńіz kemesі jáne 2,1 mln tonnadan astam mal sharýashylyǵy ónіmі tekserіldі. Sonyń nátıjesіnde 24 avtokólіk kerі qaıtarylyp, 24 hattama toltyrylǵan.
Material avtory
