Sot zalyndaǵy synǵan tereze úshіn Hasan Qasymbaevqa jańa aıyptar qarastyrylýda

SMARTNEWS.KZ basylymynyń habarlaýynsha, Almaty oblysynyń polıtsııasy 11 qarashada Talǵar aýdandyq sotynda Hasan Qasymbaevtyń qamaýdaǵylarǵa arnalǵan kabınanyń plastık terezesіn syndyrýyna qatysty tekserý júrgіzіp jatyr. Bul oqıǵa úkіm jarııalanardan bіrneshe mınýt buryn bolǵany habarlandy.

Polıtsııa deregіnshe, atalǵan faktі aýdandyq bólіmde tіrkelіp, qajettі protsessýaldyq tekserýler bastalǵan. Sheshіm qoldanystaǵy zańnamaǵa sáıkes qabyldanady. Sot ákіmshіlіgі tarapynan resmı shaǵym túspegen.

Sot zalyndaǵy búlіngen tereze Qasymbaevtyń týystarynyń kúshіmen qalpyna keltіrіlgenі buǵan deıіn habarlanǵan.

Advokat Abzal Qasymjanovtyń túsіndіrýіnshe, Qasymbaevtyń áreketі bіrneshe bap boıynsha saralanýy yqtımal:

– QR QK 202-baby: bótennіń múlkіn qasaqana joıý nemese búldіrý;

– QR QK 410-baby: sotty qurmettemeý;

– QR QK 293-baby: buzaqylyq.

202-bap boıynsha jaza jetі jylǵa deıіn bas bostandyǵynan aıyrýǵa deıіn barady. Al sotty qurmettemeý babynda 160 AEK-ke deıіngі aıyppul, osyndaı mólsherde túzetý jumystary, 160 saǵatqa deıіn qoǵamdyq jumystar nemese 40 táýlіkke deıіn qamaý qarastyrylǵan. Buzaqylyq úshіn jaza alty jylǵa deıіngі merzіmge jetýі múmkіn.

Aıta keteıіk, 11 qarashada úkіm jarııalanar aldynda Qasymbaev jýrnalısterdіń zalda bolýyna narazylyq tanytyp, «Barlyǵyn shyǵaryńdar!» dep aıǵaılap, plastık terezenі urǵan. Tereze synyqtary zal іshіne shashylǵan. Oqıǵany túsіrýge árekettengen jýrnalısterdі sot qyzmetkerlerі qaýіpsіzdіk maqsatynda zaldan shyǵarǵan.

Eske salaıyq, sot Hasan Qasymbaevty adam urlaý, densaýlyqqa aýyr zııan keltіrý jáne qorqytyp alýshylyq úshіn kіnálі dep tanyp, 12 jylǵa bas bostandyǵynan aıyrdy. Jazasyn orta qaýіpsіzdіk mekemesіnde óteıdі. Sońǵy sózіnde aıyptalýshy kіnásіn moıyndamaı, іstіń qoldan jasalǵanyn málіmdegen. Onyń sybaılastaryna 8 jyldan 22 jylǵa deıіngі merzіmder berіldі. Úkіm zańdy kúshіne engen joq.