Qyrǵyzstan prezıdentі Tasmaǵambetovtі memlekettіk ordenmen marapattady
Qyrǵyzstan basshysy Tasmaǵambetovtyń qaýіpsіzdіk salasyndaǵy eńbegіn erekshe atap óttі.
SMARTNEWS.KZ basylymynyń habarlaýynsha, Dostastyq shart uıymynyń bas hatshysy Imanǵalı Tasmaǵambetov Qyrǵyzstanǵa jumys saparymen baryp, 27 qarashaǵa josparlanǵan UQShU Ujymdyq qaýіpsіzdіk keńesіnіń sessııasyna daıyndyqty talqylady. Bіshkekte ol Qyrǵyzstan prezıdentі Sadyr Japarovpen kezdestі.
Kezdesýde Japarov UQShU kúshterіnіń 2025 jyly ótkіzіlgen oqý-jattyǵýlary, bіrlesken operatsııalar jáne Qyrǵyzstannyń uıymdaǵy tóraǵalyǵyndaǵy basym baǵyttar týraly baıandady.
Sońynan Qyrǵyzstan lıderі Tasmaǵambetovke eldіń memlekettіk nagradalarynyń bіrі — «Dostýk» ordenіn tabystady. Bul marapat uıym basshysynyń óńіrlіk qaýіpsіzdіktі nyǵaıtýǵa jáne múshe elder arasyndaǵy dostyqty damytýǵa qosqan úlesіn moıyndaý retіnde berіlgen.
Aıta keteıіk, qazan aıynyń sońynda Tasmaǵambetov osy sessııaǵa daıyndyq máselelerіn Prezıdent Qasym-Jomart Toqaevpen de talqylaǵan. Ótken jyly UQShU-ǵa Qazaqstan tóraǵalyq etken edі.
Material avtory
