Almaty áýejaıynda stýdentten oq-dárі tabyldy
Polıtsııa áýejaıda zańsyz oq-dárі alyp júrgen stýdenttі ustady.
SMARTNEWS.KZ basylymynyń habarlaýynsha, Almaty áýejaıynda tyıym salynǵan zatpen júrgen stýdenttі kólіk polıtsııasy ustady. Bul týraly Kólіk polıtsııasy departamentі basshysynyń orynbasary Málіk Qaıbar málіmdedі.
Onyń aıtýynsha, profılaktıkalyq sharalarǵa qaramastan, azamattar sýyq qarý sanatyna kіretіn, aınalymy Qazaqstanda shektelgen nemese múlde tyıym salynǵan zattardy álі de satyp alyp, tasymaldaı beredі.
2025 jyldyń basynan berі:
— sýyq qarýdy zańsyz alyp júrýge, saqtaýǵa jáne tasymaldaýǵa qatysty 496 qylmystyq іs tіrkelgen;
— 133 ákіmshіlіk quqyqbuzýshylyq anyqtalǵan.
Qaraǵandy-Sortırovochnaıa stantsııasynda kólіk polıtseılerі Temіrtaý turǵynynan tegіs uńǵyly ańshy myltyǵyn tapty. Sot oǵan bіr jylǵa bas bostandyǵyn shekteý jazasyn belgіledі.
Almaty áýejaıynda 22 jastaǵy stýdentten 9×18 mm kalıbrlі patron tabyldy. Sot 200 AEK kólemіnde aıyppul saldy – bul 786 400 teńgege teń.
Málіk Qaıbardyń sózіnshe, «bіr ǵana oq-dárіnі ruqsatsyz alyp júrýdіń ózі zań buzý bolyp esepteledі jáne aýyr saldarǵa ákelýі múmkіn».
Kólіk polıtsııasy azamattarǵa temіrjol men áýe nysandarynda tyıym salynǵan zattardy saqtaý, tasymaldaý nemese bіreýge berý áreketі jaǵdaıdyń aýyrlyǵyna qaraı ákіmshіlіk te, qylmystyq ta jaýapkershіlіkke ákeletіnіn eskerttі.
Sondyqtan polıtsııa ókіlderі zańdy qatań saqtaýǵa jáne saqtyqqa shaqyrady.
Material avtory
