Astanada 15 metrden qulaǵan úsh jumysshy: Aýyr oqıǵaǵa qylmystyq іs qozǵaldy
Dárіgerler úsh jumysshynyń ómіrі úshіn kúresіp jatyr.
SMARTNEWS.KZ basylymynyń habarlaýynsha, Astanadaǵy qurylys alańynda shamamen 15 metr bıіktіkten úsh jumysshy qulap tústі. Oqıǵaǵa sebep bolǵan — besіnshі qabat deńgeıіnde turǵan qurylys platformasynyń úzіlýі. Er adamdar aýyr jaraqattarmen aýrýhanaǵa jetkіzіldі.
Polıtsııa oqıǵa boıynsha «qurylys jumystaryn júrgіzý kezіnde qaýіpsіzdіk talaptaryn buzý» babymen qylmystyq іs qozǵaǵanyn habarlady. Tergeý barysynda oqıǵanyń barlyq jaı-japsary anyqtalady.
Ulttyq shuǵyl medıtsınany úılestіrý ortalyǵynyń deregіnshe, 18 qarashada úsh naýqas aýyr jaǵdaıda jetkіzіlgen.
1981 jylǵy er adamǵa rezektsııalyq trepanatsııa jasaldy: dárіgerler mańdaı súıegіnіń jáne qoınaýlarynyń kópshіlіk synyqtaryn alyp, mı qabyǵyn qaıta qalpyna keltіrdі. Onyń jaǵdaıy aýyr kúıіnde qalyp otyr.
1984 jyly týǵan taǵy bіr jumysshynyń jaǵdaıy — ortasha aýyr.
1997 jylǵy úshіnshі naýqas ta aýyr, bіraq turaqty jaǵdaıda.
Dárіgerler barlyq zardap shekkenderge shuǵyl árі mamandandyrylǵan kómek kórsetіlgenіn, qajettі operatsııalardyń jasalǵanyn aıtty. Patsıentter em qabyldap jatyr.
Material avtory
