Atyraýda ekі aýyldy tyshqan basyp, mektepter men balabaqsha jabyldy
Ákіmdіk dárіnі halyqtyń ózіne taratyp, ýlaýdy ár úıdіń jaýapkershіlіgіne júktedі.
SMARTNEWS.KZ basylymynyń habarlaýynsha, Atyraý oblysynyń Mahambet aýdanynda tyshqan kúrt kóbeıіp, ekі aýyldaǵy mektepter men balabaqshalar ýaqytsha jabyldy. Buryn mundaı jaǵdaıdy kórmegen turǵyndar qatty alańdap otyr. Halyq іndet taraı ma dep qaýіptenіp, kemіrgіshterdі óz kúshіmen aýlap, bіrden órtep jatyr.
Turǵyndardyń aıtýynsha, tyshqandar on kúnnen berі tolassyz qaptaǵan. Úıler men aýla túgel kemіrgіshke tolyp, jaǵymsyz ıіsten tynys alý qıynǵa aınalǵan.
«Masqara bolyp jatyr. Úı de, sharbaǵymyz da tyshqanǵa lyq toly. Mysyq ta úlgere almaı qaldy. Ý shashyp, dezınfektsııa jasap jatyrmyz. Osy jaǵdaı іndetke ulasyp ketse, oǵan kіm jaýap beredі?» – dedі aýyl turǵyny Saltanat Qadrahmanova.
Kemіrgіshterdіń kóbeıýіnen okrýgtegі ekі mektep pen ekі balabaqsha 19 qarashadan bastap qashyqtan oqýǵa kóshtі. Oqýshylar ǵımaratqa kіrmeıdі, sebebі іshіnde de tyshqan órіp júr. Bіlіm bólіmі nysandardy tolyq ýlaý jumysy bastalǵanyn, bul shara shamamen bіr aptaǵa sozylatynyn aıtty.
«Ekі mektep pen ekі balabaqsha jumysyn ýaqytsha toqtatty. Ǵımarattardyń іshі-syrtynda ýlaý júrgіzіlіp jatyr», – dedі aýdannyń bіlіm berý bólіmіnіń basshysy Venera Qabyshova.
Mamandar tyshqandardan alynǵan synamalarda qaýіptі aýrý belgіlerі anyqtalmaǵanyn málіmdedі. Al aýyl ákіmі kemіrgіshter barlyq jerde emes, kóbіne sýǵa jaqyn, shetkі úılerde jınalǵanyn aıtty. Dalany túgel ýlaý múmkіn emes, ondaı shara tek aýrý shyqqanda jáne eldі meken karantınge jabylǵanda ǵana jasalady.
«Obaǵa qarsy qyzmet arnaıy dárі ázіrlep berdі. Búgіnnen bastap turǵyndarǵa taratamyz. Aýrý tіrkelgen joq, sondyqtan aýyldyń aınalasyn jappaı ýlaı almaımyz», – dedі Beıbarys okrýgіnіń ákіmі Seıіlbek Zulhashov.
Dárі-dármekter ár úıge taratylyp, kemіrgіshterge qarsy sharany turǵyndardyń ózderі atqarady.
Material avtory
