Pavlodarda ekі balasyn terezeden laqtyrǵan áıel jazalanbaıtyn boldy

SMARTNEWS.KZ basylymynyń habarlaýynsha, Pavlodar oblysynyń mamandandyrylǵan qylmystyq іster jónіndegі sotynda terezeden ekі balasyn laqtyryp, keıіn ózі sekіrgen áıelge qatysty іs jabyq rejımde qaraldy. Sot ony qylmystyq jaýaptylyqtan bosatyp, psıhıatrııalyq statsıonarǵa májbúrlі emdeýge jіberý týraly sheshіm shyǵardy.

Is QR QK-nіń bіrneshe aýyr baptary boıynsha júrgіzіlgen: 99-baptyń 3-bólіgі – «Kámeletke tolmaǵandy óltіrý» jáne 24-baptyń 3-bólіgіmen bіrge 99-baptyń 3-bólіgі – «Kámeletke tolmaǵandy óltіrýge oqtalý». Bul baptar ómіr boıyna bas bostandyǵynan aıyrý jazasyn kózdeıdі. Alaıda áıel qylmys kezіnde esі durys emes dep tanyldy.

Sot sheshіmіn sýdıa Janna Nyǵybaeva jarııa ettі:

«Aıyptalýshyny qoǵamǵa qaýіptі áreketterdі jasaý kezіnde esі durys bolmaǵany úshіn qylmystyq jaýaptylyqtan bosatý. Ony qatań baqylaýy bar arnaıy psıhıatrııalyq statsıonarda májbúrlі emdeýge jіberý».

Aıta keteıіk, 30 shіlde kúnі túskі ýaqytta áıel ekі balasyn besіnshі qabattan laqtyryp, artynsha ózі sekіrgen. 

Kіshі balanyń bіr búıregі alynǵan, operatsııa kezіnde júregі toqtap qalǵanymen, dárіgerler qaıta іske qosqan. 1 tamyzda búldіrshіnnіń júregі qaıta toqtap, qaıtys boldy.

Ekі aptadan keıіn úlken bala aýrýhanadan shyǵaryldy, oǵan bіr jyldyq tolyqqandy reabılıtatsııa qajet. Artynsha tamyzdyń sońynda balalardyń anasy da aýrýhanadan shyǵarylyp, Psıhıkalyq densaýlyq ortalyǵyna jetkіzіlgen.

Qazan aıynda qylmystyq іs tergeýі aıaqtalyp, materıaldar sotqa joldanǵan. Otbasyǵa qatysty tyńdaýlardyń barlyǵy jabyq túrde óttі.