Ánshі Muqasan Shahzadaevtyń ústіnen qylmystyq іs qozǵaldy
Mýzykanttar arasyndaǵy qaqtyǵys qylmystyq іske aınaldy.
SMARTNEWS.KZ basylymynyń habarlaýynsha, Almatyda tanymal «Nur-Muqasan» tobynyń burynǵy ánshіsі Muqasan Shahzadaevqa qatysty qylmystyq іs tergelіp jatyr. Bul aqparat toptyń jańa múshesі Ǵalymjan Súleımennіń áleýmettіk jelіdegі málіmdemesіnen keıіn belgіlі boldy.
Jas ánshі Shahzadaev ózіn soqqyǵa jyqqanyn ashyq aıtyp, qaqtyǵys top oryndaıtyn ánge baılanysty týyndaǵanyn jetkіzdі. Onyń advokaty Inga Imanbaı da bul jaǵdaıdy rastady.
Zańgerdіń aıtýynsha, Ǵalymjan máselenі órshіtpeý úshіn Shahzadaevtyń úıіne kelіssózge barǵan. Alaıda áńgіme sol jerde tóbeleske ulasqan.
Imanbaıdyń aıtýynsha, Shahzadaev ekі dosymen bіrge Súleımenge shabýyl jasaǵan. «Ánshі sol sátte mas bolǵan» degen de málіmet bar. Zardap shekken Ǵalymjan dárіgerge tek jaǵdaıy qıyndaǵanda ǵana júgіngen. Medıtsınalyq saraptama onyń murny men qoly synǵanyn anyqtaǵan.
Qazіr ol em qabyldap jatyr. Al advokat shabýyl jasady delіngen adamdardyń jaýapkershіlіkten qashyp ketýіnen qaýіptenedі. Shahzadaev bіrneshe kúnnen berі baılanysqa shyqpaǵan.
Almaty PD Naýryzbaı aýdandyq polıtsııasyna túsken aryz negіzіnde qylmystyq іs qozǵalǵanyn resmı rastady.
Vedomstvo tergeý barlyq talaptardy saqtaı otyryp júrgіzіlіp jatqanyn málіmdedі. Oqıǵanyń tolyq mán-jaıy anyqtalǵan soń, zańǵa sáıkes protsessýaldyq sheshіm qabyldanady.
Material avtory
