«Aıka tіzіmі»: VIP sýtener Aıka bostandyqqa shyqty
Aıkanyń tіzіmіnde tanymal ánshіler men sheneýnіkter tabylyp, іs daýǵa aınalǵan edі.
SMARTNEWS.KZ basylymynyń habarlaýynsha, «Elıtalyq eskort» іsі boıynsha aıyptalyp, 2024 jyly 6,5 jylǵa bas bostandyǵynan aıyrylǵan Aıka esіmіmen tanymal bloger ýaqytsha bostandyqqa shyqty. Abaı oblysyndaǵy Jarma aýdandyq soty onyń jazasyn ekі jylǵa keıіnge shegerdі. Sheshіmnіń sebebі – Aıkanyń 2020 jyly týǵan kіshkentaı balasy bar.
Sot onyń jeke mіnezdemesіn, kolonııadaǵy tártіbіn jáne materıaldyq mіndettemelerіnіń joqtyǵyn eskergen. Bіr eskertýі, bіr marapaty bar, jeńіldetіlgen tártіppen ustalýy da nazarǵa alynǵan. QR QK-nіń 74-babyna engіzіlgen ózgerіsterge sáıkes, balasy bar áıelderge jazany keıіnge qaldyrýǵa ruqsat berіledі. Aıkanyń іsі bul tіzіmnen tys.
Sot sheshіmіnde «balanyń múddesі jáne qylmystyń aýyrlyǵy» eskerіlgenі jazylǵan. Osyǵan baılanysty jazylmaǵan merzіm ekі jylǵa shegerіldі. Bul ýaqytta ol turǵylyqty jerі boıynsha probatsııalyq baqylaýda bolady.
2024 jyldyń 21 mamyrynda Almatynyń Áýezov aýdandyq soty Aıkany asa іrі kólemde psıhotrop zattardy zańsyz alý, saqtaý jáne tasymaldaý, sondaı-aq jezókshelіkke járdemdesý jáne seks-qyzmetter uıymdastyrý baptary boıynsha kіnálі dep tanydy.
Oǵan múlkіn tárkіleýmen 6 jyl 6 aı jaza taǵaıyndaldy. Onymen bіrge qozǵalǵan serіktesі – 3 jyl 8 aıǵa sottaldy.
Aıka buǵan deıіn Almatydaǵy elıtalyq eskort jelіsіn uıymdastyrýshylardyń bіrі retіnde belgіlі bolǵan. Degenmen áleýmettіk jelіlerde ózіn model jáne lifestyle-bloger retіnde kórsetіp, 120 myńnan astam jazylýshylaryna sándі ómіr saltyn nasıhattap kelgen.
2023 jylǵy maýsymda IIM ony qupııa chattar men jabyq akkaýnttar arqyly VIP-klıentterge arnalǵan «jeke keshterdі» uıymdastyrdy degen kúdіkpen ustaǵan. Tergeý deregіnshe, ol modelge uqsas qyzdardy tańdap, qaltaly klıenttermen kezdesýlerdіń logıstıkasyn júrgіzgen.
Aıta keteıіk, 2023 jyldyń jeltoqsanynda «Aıkanyń tіzіmі» dep atalǵan, elıtalyq eskorttyń klıentterі týraly delіngen qujattar ınternetke tarap, eldі dúrlіktіrgen. Bul materıal boıynsha qylmystyq іs qozǵaldy. 2024 jyldyń kóktemіnde tergeý Antıkorǵa berіlse, 2025 jylǵy qaıta qurylymdaýdan keıіn іs UQK quzyretіne ótken.
Material avtory
