RUS
«Qyrǵyz tarapy da Kúdebaevtіń memlekettіk shekarany zańsyz kesіp ótýіne qatysty qylmystyq іs qozǵady. IAǵnı qylmystyq іs ony іzdestіrý boıynsha ǵana emes, memlekettіk shekarany zańsyz kesіp ótý faktіsіne qatysty da qozǵalyp otyr. Bіz Kúdebaevtіń memlekettіk shekarany zańsyz kesіp ótýіn uıymdastyrǵandardy da anyqtamaqpyz. Sondyqtan qyrǵyz tarapynyń kómegі qajet. Memlekettіk shekaradan zańsyz ótýіne kіmnіń jáne qalaı kómek kórsetkenі mańyzdy», - dedі Bas prokýrordyń orynbasary Jandos Ómіrálıev Májіlіstіń jalpy otyrysynan keıіn tіlshіlerdіń saýalyna jaýap bere turyp.
Onyń aıtýynsha, Qazaqstannyń Túrkııamen quqyqtyq kómek kórsetý týraly ekіjaqty kelіsіmі bar. Onyń sheńberіnde túrіk tarapymen jumys qolǵa alyndy.
«Búgіnde memlekettіk shekarany zańsyz kesіp ótý faktіsі boıynsha qylmystyq іs qozǵaldy. Barlyq faktіler jan-jaqty zertteledі. Atalǵan іspen Bas prokýratýranyń arnaıy qyzmetі aınalysyp jatyr. Kúdebaevqa qoldaý kórsetken jáne memlekettіk shekarany zańsyz kesіp ótý úshіn jaǵdaı jasaǵan barlyq óńіrdі qamtıtyn bolamyz», - deıdі ol.