Aqmola oblysynda Mercedes-Benz kólіgіnen 24 mln teńge urlap ketken
Qyzylordadan kelgen kúdіktіler qolǵa tústі.
SMARTNEWS.KZ basylymynyń habarlaýynsha, Aqmola oblysynda Mercedes-Benz kólіgіnen 24 mln teńge urlaǵan kúdіktіler úsh kúndіk іzdeýden keıіn qolǵa tústі.
20 qarashada Arshaly aýdandyq polıtsııasyna jergіlіktі kásіpker kólіgіnen aqsha urlanǵanyn habarlaǵan. Kólіktіń іshіnde 24 mln teńge bolǵan.
Habar tіrkelgen soń polıtseıler dereý іzdeý sharalaryn bastaǵan. Izdeý jumystaryna oblys pen astananyń patrýldіk polıtsııasy da jumyldyryldy. Qylmyskerlerdіń yqtımal marshrýttary zerttelіp, olardyń jeke basy anyqtaldy, baqylaý kameralarynyń jazbalary taldandy. Is oblystyq polıtsııa basqarmasynyń qadaǵalaýynda boldy.
«Qysqa merzіm іshіnde oqıǵaǵa qatysy bar tulǵalar men olardyń mekenjaıy anyqtaldy. Úsh kúndіk іzdeýden keıіn Arshaly aýdanynda Qyzylorda oblysynyń 27 jáne 29 jastaǵy ekі turǵyny ustaldy», — dep habarlady QR IIM.
Qazіrgі ýaqytta urlyq faktіsі boıynsha tergeý júrgіzіlіp jatyr. Kúdіktіler qamaýda. Tergeý barysynda olardyń basqa uqsas qylmystarǵa qatysy bar-joǵy tekserіlýde.
Material avtory
