Mańǵystaýda tanymal vıdeograf 13 jasar balany zorlady degen kúdіkpen ustaldy

SMARTNEWS.KZ basylymynyń habarlaýynsha, Mańǵystaý oblysynda dron-operator árі vıdeograf retіnde tanylǵan azamattyń qamaýǵa alynǵany týraly aqparat áleýmettіk jelіlerde tarady. Oqıǵaǵa qatysty mán-jaıdy oblystyq polıtsııa departamentі rastady.

Bul habardy Instagram-da bloger Azamat Sarsenbaev jarııalap, tanysy dep sıpattaǵan vıdeograftyń ekі apta buryn qamaýǵa alynǵanyn jazǵan. Onyń aıtýynsha, bastapqyda іs «zorlaý» deregі boıynsha qozǵalǵany aıtylsa, keıіn keıbіr derekkózder aryzdyń kámeletke tolmaǵan ul balalardan túskenіn jetkіzgen. Bloger olardyń bіrіnіń jasy nebárі 13 dep málіmdedі.

Polıtsııa departamentіnіń deregіnshe, 2025 jylǵy 4 qarashada quqyq qorǵaý organdaryna kámeletke tolmaǵanǵa qatysty seksýaldyq sıpattaǵy áreket boıynsha aryz túsken.

Vedomstvonyń málіmetіnshe, bul derek Qylmystyq kodekstіń 121-babynyń 4-bólіgі boıynsha tіrkelgen. Kúdіktі anyqtalyp, ustalǵan. Sot sheshіmіmen ol ekі aıǵa ýaqytsha ustaý ızolıatoryna qamaldy.

Qazіr qylmystyq іs boıynsha sotqa deıіngі tergeý júrіp jatyr. Polıtsııa barlyq qajettі tergeý jáne protsessýaldyq sharalardy júrgіzіp, aryzdaǵy ýájder tekserіlіp jatyr. Saraptamalar taǵaıyndalǵan.

«Qosymsha aqparat tergeý múddesіne saı qoljetіmdі bolǵan kezde ǵana berіledі», — dep málіmdedі Mańǵystaý oblystyq PD.