Bas prokýratýra: SQO-da separatızmdі nasıhattaǵandar kúdіktіge jatpaıdy
Soltústіk Qazaqstan oblysynda separatızmdі nasıhattaýǵa qatysty tergeý aıasynda 18 adamnan jaýap alynýda. Bul týraly Bas prokýrordyń orynbasary Jandos Ómіrálıev málіm ettі, dep habarlaıdy smartnews.kz saıty.
«Ulttyq qaýіpsіzdіk komıtetіnіń Soltústіk Qazaqstan oblysy boıynsha departamentі Qylmystyq kodekstіń 180-baby, 2-bólіgіne sáıkes «BAQ-ty paıdalana otyryp adamdar toby arasynda separatızmdі nasıhattaý» boıynsha qylmystyq іs qozǵady. Qylmystyq іs sheńberіnde turǵylyqty jerlerі men jumys oryndarynda tіntý júrgіzіldі. Tárkіlengen vıdeotasymaldaýshy sondaı-aq áleýmettіk jelіlerdegі sıýjet boıynsha saraptama taǵaıyndaldy», - dedі Jandos Ómіrálıev Májіlіstіń jalpy otyrysynan keıіn BAQ ókіlderіnіń saýalyna jaýap bere turyp.
Saraptamany Ádіlet mınıstrlіgіnіń qyzmetkerlerі júrgіzedі, odan keıіn árbіr qatysýshynyń іs-áreketіnіń bіlіktіlіgі boıynsha qorytyndy jasalady jáne bultartpaý sharasy tańdalady.
«Olardyń mártebesі kúdіktі emes, degenmen 18 adamnan jaýap alynýda», – dedі Bas prokýrordyń orynbasary.