Rahat Álıev Epshteınge qupııa hat jazyp, 2 mlrd dollar suraǵan
Nazarbaevtyń burynǵy kúıeý balasy Álıevtіń AQSh-qa qashý jospary bolǵany áshkere boldy.
SMARTNEWS.KZ basylymynyń habarlaýynsha, marqum Rahat Álıevtіń esіmі AQSh-taǵy atyshýly qarjyger Djeffrı Epshteınge tıesіlі hattar toptamasynan qaıta shyqty. Kursiv.Media taratqan málіmetke qaraǵanda, qujattarda Nursultan Nazarbaevtyń burynǵy kúıeý balasy AQSh-qa qonys aýdarý úshіn kómek jáne 2 mlrd dollar suraǵanyn jazǵan. Ol bul somany Qazaqstanda tárkіlengen bıznesіnіń quny dep kórsetken.
Hattardan belgіlі bolǵandaı, 2007-2008 jyldary yqpalyn joǵaltqannan keıіn Álıev Eýropaǵa qashyp ketken. Nazarbaev bılіgі ony aktıvterіn tartyp alyp, saıası sebeppen qýdalap otyrǵanyn aıtý arqyly Batystyń nazaryn aýdarýǵa tyrysqan.
Ol AQSh-taǵy RJI Government Strategies lobbıstіk kompanııasyn jaldap, 20-dan astam kongressmen keńsesіne aqparat taratqan. Kompanııa jarııalaǵan materıaldarda Álıev saıası qýǵyn-súrgіnnіń qurbany retіnde kórsetіlgen.
Alaıda Barak Obama ákіmshіlіgі bul іske aralasýdan bas tartqan. AQSh-tyń Qazaqstandaǵy sol ýaqyttaǵy elshіsі Rıchard Hoagland qupııa hattarynda Álıev pen Astananyń Vashıngtondy óz múddesіne tartýǵa tyrysqanyn eskertken.
2014 jyly Avstrııa Rahat Álıevke «Nurbanktіń» ekі top-menedjerіn óltіrdі degen aıyp taqqan. Ol aıypty moıyndamaı, іstі qoldan jasalǵan dep málіmdegenіmen, elge kelіp tergeýge qatysýǵa kelіsіm bergen.
2014 jyly Avstrııa soty ony qamaýǵa alýǵa sanktsııa berdі. Álıev Venaǵa ózі kelgennen keıіn ustaldy árі shamamen segіz aı qamaýda otyrdy. 2015 jyldyń 24 aqpanynda ol tergeý ızolıatorynda ólі kúıіnde tabyldy. Resmı nusqa – sýıtsıd.
Sol jyly shіldede Vena soty bul qylmystyq іske qatysty taǵy ekі adamnyń – Vadım Koshlıak pen Álnur Musaevtyń – kіnásіz ekenіn jarııalady. Koshlıak bankırlerdі urlaýǵa qatysqany úshіn ǵana jaýapqa tartylyp, aldyn ala qamaýda ótkіzgen ýaqyty tolyq jaza merzіmіn japqandyqtan, sot zalynan bosatyldy.
Material avtory
