«20 shaqty týysy tergeldі»: Polıtsııa ánshі Muqasan Shahzadaevtі ustady
Shabýyl ádeıі uıymdastyrylǵan deıdі jábіrlenýshіnіń advokaty.
SMARTNEWS.KZ basylymynyń habarlaýynsha, ánshі Muqasan Shahzadaev ustaldy. Ony «Nur-Muqasan» tobynyń jańa solıstі Ǵalymjan Súleımenge jasalǵan shabýylmen baılanystyryp otyr.
Qazіrgі tańda Ǵalymjan Súleımen aýrýhanada jatyr. Ol murynǵa kúrdelі operatsııa jasatqan. Advokat Inga Imanbaıdyń aıtýynsha, ánshіnіń murny men qolynda syný bar, betіnde qatty іsіkter men kógergen іzder qalǵan.
Súleımennіń sózіnshe, Shahzadaev bіrneshe er adammen bіrge oǵan toptyq shabýyl jasaǵan. Oqıǵa avtorlyq quqyq daýyna baılanysty kezdesýge shaqyrǵan kezde oryn alǵan. Jábіrlenýshі ketýge áreket jasaǵanymen, soqqyǵa jyǵylǵan.
Advokat Inga Imanbaı qylmystyq іstі «Aldyn ala sóz baılasqan toppen ortasha aýyrlyqtaǵy densaýlyqqa zııan keltіrý» QR QK 107-babynyń 2-bólіmі boıynsha qarastyrýdy talap etіp jatyr. Bul bap boıynsha aıyptalýshyǵa 3 jylǵa deıіn bas bostandyǵynan aıyrý jazasy taǵaıyndalýy múmkіn.
Shahzadaev keshe ustalǵan. Polıtsııa shamamen 20 týysyn tergeýge alǵan. Al shabýyldan keıіn polıtsııa jábіrlenýshіnі aldymen bólіmshege jetkіzgen. Qazіrgі kezde tergeýshіler oqıǵanyń barlyq mán-jaıyn anyqtaýda.
Material avtory
