Depýtat mınıstrden energetıkalyq sýsyndardy qatań baqylaýǵa alýyn talap ettі

SMARTNEWS.KZ basylymynyń habarlaýynsha, Májіlіstіń «AMANAT» fraktsııasy energetıkalyq sýsyndar naryǵyn shekteýge baǵyttalǵan zańnyń tolyq oryndalmaýyn synǵa alyp, Densaýlyq saqtaý mınıstrі Aqmaral Álnazarovadan resmı túsіnіkteme talap ettі.

2024 jyldyń 8 shіldesіnde jastar densaýlyǵyn qorǵaýǵa arnalǵan zań qabyldanyp, energetıkalyq sýsyndardyń aınalymyna qatań talaptar engіzіlgen edі. Negіzgі normalar boıynsha, 21 jasqa tolmaǵandarǵa energetık satý toqtatylýy tıіs, al ónіmdі kádіmgі salqyndatqysh sýsyn retіnde jasyryn usynýǵa tyıym salynǵan. Sonymen qatar, barlyq saýda oryndary energetıkterdі basqa taýarlardan bólek qoıýǵa mіndetteldі. Óndіrýshіlerge arnaıy tańbalaý talaby engіzіldі.

Alaıda bul erejeler qabyldanǵanyna bіr jarym jyl ótse de, tolyq kúshіne enbegen. Sebebі ákіmshіlіk jaýapkershіlіk jónіndegі ózgerіster Ákіmshіlіk quqyq buzýshylyq kodekske tek ótken aptada ǵana engіzіldі. Depýtattar muny «mınıstrlіkterdіń bergen ýádesі oryndalmaǵanynyń aıqyn kórіnіsі» dep baǵalap otyr.

Saldarynan baqylaý organdary osy ýaqytqa deıіn buzýshylyqtardy anyqtasa da, jazalaı almaı kelgen. Energetıkalyq sýsyndar búgіnde kóp dúkende álі de qarapaıym sýsyndarmen qatar satylyp jatyr. Bul jaǵdaı memlekettіk organdardyń oryndaýshylyq tártіbі men naryq oıynshylarynyń yqpaly týraly suraq týǵyzady.

Depýtattar energetıkterdіń baqylaýsyz tutynylýy jasóspіrіmderde aýyr saldarǵa ákelіp jatqanyn atap óttі. Mundaı sýsyndar júıke júıesіn álsіretedі, uıqyny buzady, táýeldіlіk týdyrady. Kalıanǵa qatysty bіrneshe jyl boıy shynaıy qadaǵalaýdyń bolmaýy da bıznes tarapynan retteýge qarsylyq bar ekenіn kórsetedі.

Fraktsııa málіmdemesіnde: «Jas urpaqtyń densaýlyǵyn joǵaltý – el úshіn orny tolmas shyǵyn. Zańdardy oryndaýdy sozý halyqtyń memlekettіk organdarǵa senіmіn tómendetedі jáne densaýlyq saqtaý saıasatynyń tıіmdіlіgіn kúmánǵa salady» delіngen.

Beısenbaeva mınıstrden tómendegі máseleler boıynsha túsіnіkteme berýdі surady:

1. Nelіkten ákіmshіlіk jaýapkershіlіk normalary zań qabyldanǵannan keıіn bіr jarym jyl ótkende ǵana engіzіldі?

2. Mınıstrlіk 2025 jyldyń 1 qańtarynan bastap normalardy kúshіne engіzý jónіndegі jarııa ýádesіn ne sebeptі oryndamady?

3. Bul jaǵdaıǵa jol bergen laýazymdy tulǵalarǵa qandaı tártіptіk shara qoldanylmaq?

4. Energetıkalyq sýsyndardyń tolyq baqylaýyn qamtamasyz etetіn normatıvtіk akt naqty qashan ázіrlenedі?