Shymkentte áıelіnіń jaǵyn syndyrǵan er adam sottaldy
Úıdegі janjal qylmystyq іske aınaldy.
SMARTNEWS.KZ basylymynyń habarlaýynsha, Shymkentte azamattyq nekedegі áıelіn aıaýsyz uryp, jaq súıegіn syndyryp jіbergen er adamǵa sot úkіmі shyqty. Oqıǵa 2024 jyldyń 1 mamyrynda bolǵan. Bul týraly qalalyq sot jarııa ettі.
Tergeý materıaldaryna sáıkes, aıyptalýshy O. janjal kezіnde áıelіn bіrneshe ret betten soqqan. Saldarynan jábіrlenýshіnіń tómengі jaq súıegі synǵan, dárіgerler jaraqatty ortasha aýyrlyqtaǵy zııan dep baǵalaǵan. Sot tergeýі jınalǵan aıǵaqtardyń bárі onyń kіnásіn dáleldeıtіnіn atap óttі.
Memlekettіk aıyptaýshy er adamdy bіr jylǵa bas bostandyǵynan aıyrýdy suraǵan. Jábіrlenýshі de qamaý jazasyn qoldap, azamattyq talabyn tolyq qanaǵattandyrýdy ótіngen. Aıyptalýshy óz kіnásіn tek jartylaı moıyndap, aqtaýdy suraǵan.
Sot O.-ny kіnálі dep tanyp, oǵan bіr jyl merzіmge bas bostandyǵynan aıyrý jazasyn kesіp, azamattyq talapty іshіnara qanaǵattandyrdy.
Material avtory
