156 mln teńgelіk zergerlіk buıymdardy urlap qashqan kúdіktі Túrkııadan ustaldy
Kúdіktі ekі jyldan berі іzdeýde bolǵan.
SMARTNEWS.KZ basylymynyń habarlaýynsha, Astanada 156 mln teńgenіń zergerlіk buıymdaryn jymqyrdy dep іzdeýde bolǵan kúdіktі Túrkııadan elge jetkіzіldі. Interpoldyń Qazaqstandaǵy ulttyq bıýrosy bergen suraý boıynsha 33 jastaǵy áıel Ystambulda ustalǵan. Bul týraly IIM málіmdedі.
Tergeý málіmetіnshe, kúdіktі 2021 jyldyń jeltoqsanynan 2022 jyldyń maýsymyna deıіn elordadaǵy zergerlіk dúkende satýshy bolyp júrіp, qymbat buıymdardy jasyryn túrde alyp shyqqan. Zalal kólemі nebárі 156 mln teńgeden asady.
IIM málіmetіnshe, 27 qarashada Túrkııa quqyq qorǵaý organdarynyń kómegіmen áıel Qazaqstanǵa deportatsııalanyp, elge kelgen boıda qamaýǵa alynǵan.
Qylmystyq іs QK-nіń 188-baby 4-bólіgі («Urlyq») boıynsha tergelіp jatyr.
Material avtory
