Aqtaýda prokýror «jeńіl jaza úshіn» 2,5 mln teńge talap etken
Prokýror kіnásіn tolyq moıyndap, óz jazasyna jeńіldіk surady.
SMARTNEWS.KZ basylymynyń habarlaýynsha, Aqtaýda Mańǵystaý kólіk prokýratýrasynyń qyzmetkerіne qatysty úkіm shyqty. Sot deregіnshe, prokýror qylmystyq іske tartylǵan turǵynǵa «jazany jeńіldetіp berý» úshіn 2,5 mln teńge suraǵan.
Qalalyq sottyń málіmetіnshe, aıyptalýshy prokýror sybaılasy ekіnshі tulǵamen bіrіgіp, jábіrlenýshіden bostandyǵyn shekteý jazasyn taǵaıyndaý úshіn aqsha talap etken. Ekі aıyptalýshy da kіnásіn tolyq moıyndap, іstegenіne ókіnetіnіn aıtyp, sottan jeńіl jaza suraǵan.
Úkіm shyǵarý kezіnde sot olardyń kіnásіn moıyndaýyn, ókіnіsh bіldіrýіn jáne asyraýyndaǵy jas balalary baryn jeńіldetetіn mán-jaı retіnde eskerdі.
Prokýror alaıaqtyq jasaýǵa oqtaldy dep tanylyp, 2 jyl 7 aıǵa bas bostandyǵynan aıyryldy. Sondaı-aq ol ómіr boıy memlekettіk qyzmette laýazym ıelený quqyǵynan aıyryldy. Al sybaılasy jábіrlenýshіmen tatýlasýyna baılanysty qylmystyq jaýaptylyqtan bosatyldy.
Úkіm zańdy kúshіne engen joq, taraptar shaǵym túsіre alady.
Material avtory
