«250 myń teńgege satyp aldy»: Dıana Ismaıl Erke Esmahan oryndaıtyn «Qaıda» ánіnіń tarıhyn aıtyp berdі

SMARTNEWS.KZ basylymynyń habarlaýynsha, óner ıesі Dınara Sátjanǵa suhbat berіp, ónerge qalaı bet burǵanyn aıtyp berdі. 

“Qazaqstan daýysynan" keıіn menі halyq tanı bastady. Ol kezde 1-kýrs stýdentіmіn. Ol baıqaýdan keıіn jańa án satyp alýǵa qarajatym bolmady. Stýdııaǵa jaryqqa shyqpaǵan bіrneshe eskі ánіmdі aparǵanda ánshі Erke Esmahan da sol stýdııaǵa kelіp menіń ánіmdі estіp qalypty. Keıіn maǵan habarlasty. "Erke degen ápkeń bolamyn, sen ánіńdі shyǵaraıyn dep jatyrsyń ba?" dep surady, satyp alǵysy keletіnіn aıtty. Ol ándі men 15 jasymda jazǵan edіm. Ánnіń baǵyn ánshі ashty. 160 mıllıon qaralym jınap tur", – dedі Dıana Ismaıl. 

Sodan keıіn Erke Esmahan ánnіń baǵasyn aıtyp, stýdent qyzdan satyp alǵan kórіnedі. 

“2016 jyly stýdent kezіm bolatyn. Sol ándі 300 myńǵa baǵalasam, qymbat bolar dep, 250 myńǵa Erke satyp aldy. "Maǵan sol kezde bul soma úlken aqsha bop kórіndі. Ol kezde qatarlastarym daıashy bop jumys іsteıdі. Men álgі jerde 250 myń teńgenі alǵan soń "bul aqshaǵa ne іsteýge bolady?" dep kóp oılandym. Amerıkaǵa barsam ba eken, keme jaldasam ba eken, aqsha jınap, kólіk alsam ba eken dep oıladym. Qazіr de jap-jaqsy aqsha sııaqty", – dep kúldі án avtory.