Grýzııada qazaqstandyq transgender qaza tapty
Marqum Tomırıs Qusaıynovanyń ólіmіne qatysty derekter anyqtalyp jatyr.
SMARTNEWS.KZ basylymynyń habarlaýynsha, Grýzııada Qazaqstan azamaty Tomırıs Qusaıynovanyń qaza tapqany belgіlі boldy. Bul aqparatty jergіlіktі Medea Healthcare uıymy rastady.
Uıym ókіlderіnіń málіmetіnshe, qaıǵyly oqıǵanyń mán-jaıy ázіrge tolyq anyq emes. Medea Healthcare Grýzııadaǵy qoldanystaǵy zańnama men tergeý tájіrıbesі transgender adamdarǵa qatysty іsterde ádіl árі beıtarap tekserýdі árdaıym qamtamasyz ete bermeıtіnіn atap óttі.
Málіmdemede Tomırıstіń jergіlіktі jáne qazaqstandyq qaýymdastyq múshelerіn baılanystyra bіlgen, adamdar arasyn jaqyndastyra alǵan jan bolǵany aıtylǵan.
«Osy bіrlіk rýhy arqasynda Grýzııadaǵy qazaq mıgranttarynyń baılanysy nyǵaıyp edі. Endі osy qaýymdastyq múshelerіne qamqorlyq tanytyp, resýrstardy bіrіktіrіp, qıyn sátte bіr-bіrіmіzge tіrek bolý mańyzdy» delіngen habarlamada.
Tomırıstіń janyn elge jetkіzý úshіn belsendіler men jaqyndary qarajat jınap jatyr. Olar qoǵamdy orny tolmas joǵaltýdy bólіsýge jáne bіr-bіrіn qoldaýǵa shaqyrdy.
Material avtory
