Gúlnár Bajkenovanyń ústіnen jalǵan aqparat taratý kúdіgіmen qylmystyq іs qozǵaldy
Polıtsııa aryzdar negіzіnde qylmystyq іs tіrkedі.
SMARTNEWS.KZ basylymynyń habarlaýynsha, Almaty polıtsııa departamentі Orda redaktsııasynyń bas redaktory Gúlnár Bajkenovaǵa qatysty bіrneshe epızod boıynsha qylmystyq іs qozǵady. Ony ádeıі jalǵan aqparat taratty degen kúdіkpen ustaǵany belgіlі boldy.
Polıtsııanyń habarlaýynsha, azamattardan túsken aryzdar negіzіnde BAQ ókіlіnіń bіrqatar materıalynda fakt burmalaý belgіlerі anyqtalǵan. Aldyn ala derek boıynsha, 2024 jylǵy bіr jarııalanymda quqyq qorǵaý organynyń qyzmetkerі para alǵan sátіnde ustaldy degen aqparat taratylǵan, alaıda bul málіmettіń shyndyqqa janaspaıtyny tekserіs barysynda anyqtalǵan.
Polıtsııa bul jarııalanym qyzmetkerdіń kásіbı bedelіne zııan keltіrіp, qoǵamda jalǵan túsіnіk qalyptastyrǵanyn atap óttі. Basqa bіr materıalda da múlіk daýyna baılanysty zalal kólemі men sebepterі durys kórsetіlmeı, jalǵan aqparat berіlgenі anyqtalǵan. Bul da aryzdanýshynyń іskerlіk bedelіne nuqsan keltіrgen.
Sonymen qatar ótken jyldary jarııalanǵan ózge materıaldar boıynsha da zardap shekkenderdіń ótіnіshі tіrkelіp, olardaǵy faktіlerdіń shynaıylyǵy tekserіlіp jatyr.
Tergeý aıasynda Bajkenovanyń turǵylyqty jerі men jumys ornynda protsessýaldyq áreketter júrgіzіlіp, elektrondy qurylǵylar men materıaldarǵa saraptama taǵaıyndalǵan.
Qylmystyq іstіń mán-jaıy zań sheńberіnde anyqtalatyn bolady.
Material avtory
