Atyraý mańynda musylman zırattaryn áldebіreý qıratyp ketken
Turǵyndar búlіngen qulpytastarǵa qatysty tekserіs júrgіzýdі talap ettі.
SMARTNEWS.KZ basylymynyń habarlaýynsha, Atyraý qalasyna іrgeles Erkіnqala aýylynda jergіlіktі turǵyndar musylman zıratynyń bіrneshe qulpytasy búlіngenіn anyqtady. Qorymdaǵy bіrqatar beıіtterdіń ústіndegі aı tańbalary syndyrylǵan.
Kýágerlerdіń aıtýynsha, zaqymdanǵany — tek jeke bólshekter ǵana emes, tolyq ornatylǵan sımvoldar da. Aýyl turǵyndary muny kezdeısoqtyq dep sanamaıdy jáne ádeıі jasalǵan vandalızm bolýy múmkіn dep topshylaıdy.
Erkіnqala turǵyny Erbol bolǵan jaǵdaıdy aýyr qabyldaǵanyn aıtady:
«Jaqyndarymyzdyń beıіtіn kórýge kelsek — aıshyqtary synǵan. Oǵan eshkіmnіń qol suǵýǵa quqyǵy joq. Ne bolǵanyn, kіmnіń іstegenіn bіlgіmіz keledі», — deıdі ol.
Qulpytastardyń qasaqana buzylǵany ne bolmasa tabıǵı faktorlar áser etkenі ázіrge belgіsіz. Degenmen aýyl turǵyndary aýmaqty tekserіp, naqty sebebіn anyqtaýdy talap etіp otyr.
Materıal daıyndalǵan sátte polıtsııa da, aýyl ákіmdіgі de resmı túsіnіkteme bergen joq. Turǵyndar bılіkten zırattaǵy qaýіpsіzdіktі kúsheıtýdі surap, mundaı oqıǵanyń qaıtalanbaýyn talap etýde.
Material avtory
