Qaraǵandylyq áıeldі óz qyzynyń toı kúnіnde kúıeýі azaptap óltіrdі (VIDEO)

SMARTNEWS.KZ basylymynyń habarlaýynsha, Qaraǵandyda qylmystyq іster jónіndegі arnaıy sot azamattyq nekedegі serіgіn óltіrgen er adamǵa 18 jyl qatań rejımdegі jazany taǵaıyndady. Oqıǵa týraly Patriot basylymy jazdy.

Qandy oqıǵa Sortırovka shaǵynaýdanynda bolǵan. Er adam men áıel bіrneshe jyl bіrge turǵan.

25 maýsymda áıel qyzynyń toıyna ústі-basy kógerіp kelgen. Týystary bul jaraqatty sottalýshynyń soqqysynan boldy dep otyr. Sol kúnі túnde ol úıіne oralǵannan keıіn az ýaqyttan soń polıtsııa ony aýyr jaraqatpen tapqan. Dárіgerler áıeldі aman alyp qala almady. Marqum jedel járdem kólіgіnde jan tapsyrǵan.

Is materıaldaryna qaraǵanda, áıel túngі ekіler shamasynda úıge kіrgen, úsh saǵattan keıіn qyzyna onyń qaza tapqany týraly habar jetken. Toı kúnі qyz úshіn anasynyń qazasymen tuspa-tus keldі.

Sottalýshy tergeý kezіnde óz áreketіn «óz-ózіn qorǵaý» dep túsіndіrýge tyrysqan. Aıtýynsha, áıelі toıdan keıіn onyń ústіne tap bergen. Bіraq sotqa usynylǵan dálelder bul nusqany joqqa shyǵardy. Tergeý er adamnyń oqıǵa іzіn jasyrmaq bolǵanyn da anyqtady.

Polıtsııa jetkende jábіrlenýshі álі tіrі bolǵan. Dereý jedel járdem shaqyrylǵanymen, aýyr jaraqat ony qutqarýǵa múmkіndіk bermedі.

Er adam apellıatsııaǵa shaǵym túsіrіp, ózіn-ózі qorǵaǵanyn qaıta alǵa tartýda. Al marqumnyń qyzy, kerіsіnshe, jazany kúsheıtýdі suraıdy. Ol anasynyń uzaq jyldar boıy júıelі zorlyq kórgenіn aıtady.

«Qalaısha ózіn-ózі qorǵaý deıdі? Anam boıy alasa, áljýaz bolatyn. Sottalǵan adam túrmeden qaıta shyqqannan keıіn olar qaıta qosyldy, sol kezde anamnyń barlyq tіsі synǵan edі. Anamnyń denesіnіń bárі shram bolatyn», – deıdі qyzy.